डाउनपेमेन्ट नगरी शून्य प्रतिशत व्याजदरमा एफडी मोटर्सका स्कुटर किन्न सकिने

ग्रन्थ इभीले बिक्री गर्दै आएको एफडी मोटर्सका इलेक्ट्रिक स्कुटरमा कुमारी वैंकले कर्जा उपलब्ध गराउने भएको छ । वैंक र कम्पनीविच भएको एक सम्झौता अनुसार कुमारी वैंकबाट कर्जा लिएर स्कुटर खरिद गर्दा ग्राहकले व्याज वापतको रकम भुक्तानी गर्नु पर्दैन ।

साथै ३ लाखसम्म मूल्य पर्ने एफडी मोटर्सका कुनैपनि स्कुटर खरिद गर्दा ग्राहकले डाउनपेमेन्ट नगरी पुरै रकमलाई किस्तावन्दिमा भुक्तानी गर्न पाउनेछन् । वैंकबाट लिएको कर्जालाई ग्राहकले १२ देखी १८ महिनासम्मको किस्तावन्दिमा भुक्तानी गरिसक्नुपर्नेछ । स्किम ग्रन्थ इभीको सवै सोरुममा लागु हुने कम्पनीको भनाई छ ।

ग्रन्थ इभीले हाल एफ–५ र एफ–५ए गरी दुईवटा मोडलका इलेक्ट्रिक स्कुटर बिक्री गर्दै आएको छ । यी स्कुटरको मूल्य क्रमशः २ लाख ४९ हजार र २ लाख ९० हजार रुपैयाँ तोकिएको छ । ६० भोल्ट ४५ एम्पियर आवर साइजको एलएफपी र लिथियम–अयोन व्याट्री जडित यी स्कुटरले सिंगल चार्जमा ९० देखी ११० किलोमिटरसम्म रेन्ज दिने दावी गरिएको छ । स्कुटरमा ३ किलोवाटको मोटर जडान गरिएको छ ।