सन् २०२३ मा आएका बढी माइलेजका साथ उत्कृष्ट फिचर भएका कम मूल्यका बाइक

सन् २०२३ मा धेरै बाइक बजारमा लन्च भए । तीमध्ये यस्ता धेरै बाइक छन्, जुन माइलेजमा उत्कृष्ट र कम मूल्यका साथै लुकमा पनि उत्कृष्ट छन् ।

भारतमा लन्च भएका कतिपय यी बाइक नेपालमा आएका छन् भने कतिपय आउन बाँकी छन् ।

होन्डाले १५ मार्च २०२३ मा साइन १०० बाइक लन्च गरेको थियो । १०० सीसी सेग्मेन्टमा हिरो स्प्लेन्डरसँग प्रतिस्पर्धा गर्न होन्डाले १०० सीसी इन्जिन भएको साइन बाइक लन्च गरेको हो । सो बाइक निकै लोकप्रिय पनि भयो ।

बजाजले २६ डिसेम्बर २०२३ मा लन्च गरेको बाइक पल्सर एन१५० मा १४९.६८ सीसी, फोर–स्ट्रोक, सिंगल सिलिन्डर एफआई, एयर–कुल्ड इन्जिन दिइएको छ, जसले १४.५ पीएसको पावर र १३.५ एनएमको टर्क जेनेरेट गर्छ । यसमा धेरै अपडेट पनि गरिएको छ ।

टीभीएस रेडर १२५ सुपर स्क्वायर एडिसन पनि यही वर्ष लन्च भयो । टीभीएस मोटरले २०२१ मा रेडर बाइक लन्च गरेको थियो । कम्पनीले बाइकको अपडेट भर्सन आइरन म्यान एडिसन इन्भिन्सिबल रेड र ब्ल्याक प्यान्थर स्टिल्थ ब्ल्याक कलर र ग्राफिकसहित लन्च गरेको छ । सो बाइकलाई पनि निकै मन पराइएको थियो ।

कावासाकी डब्ल्यु१७५ स्ट्रीट डिसेम्बर ८, २०२३ मा लन्च भयो । नयाँ फिचरसहित डब्ल्यु१७५ स्ट्रीट भर्सनको साथमा लन्च गरिएको थियो । बाइकमा १७७ सीसी, सिंगल सिलिन्डर, एयर कुल्ड इन्जिन छ । साथै यसमा अलोय ह्विल र ट्युबलेस टायर पनि थपिएको छ ।

हिरो प्यासन प्लस पनि यही वर्ष लन्च भएको छ । बीएस६ मापदण्ड लागू भएपछि कम्पनीले सो बाइकको उत्पादन २०२० मा बन्द गरेको थियो । कम्पनीले सन् २०२३ मा सो बाइक ९७ सीसी इन्जिन र स्टार्ट÷स्टप टेक्नोलोजीसहित पुनः लन्च गरेको छ ।