किया सेल्टोस, सोनेट र क्यारेन्समा अव ७ वर्षको विस्तारित वारेन्टी

कियाले भारितय बजारमा अब सेल्टोस, सोनेट, साइरोस र क्यारेन्स मोडलमा ७ वर्षको विस्तारित वारेन्टी प्रदान गर्ने भएको छ ।

हाल आफ्नो सवारी साधनमा ५ वर्षको वारेन्टी भएका नयाँ र पुराना दुबै ग्राहकहरूका लागि विस्तारित वारेन्टी कार्यक्रम लागु हुने जनाइएको छ । विस्तारित वारेन्टिलाई डेलिभरीको मितिदेखि ५ वर्षबाट ७ वर्षसम्म स्तरोन्नति गरिएको हो ।

५ वर्षको विस्तारित वारेन्टीको लागि पुराना ग्राहकले ३२ हजार १७० भारु भुक्तानी गर्नुपर्ने छ भने नयाँ ग्राहकका लागि ४७ हजार २४९ भारु लाग्ने कम्पनीको भनाई छ ।

किया इन्डियाका बिक्री तथा मार्केटिङका ​​वरिष्ठ उपाध्यक्ष अतुल सूदका अनुसार, ग्राहकहरूको फाइदा बढाउन र पूर्ण मानसिक शान्ति सुनिश्चित गर्न नयाँ कार्यक्रम लागु गरिएको हो । उनले भने, ‘नयाँ र पुराना दुवै ग्राहकहरूको लागि हाम्रो वारेन्टी कभरेज ७ वर्षसम्म विस्तार गरेर हामीले कियाका कारहरु गुणस्तरिय रहेको विश्वास दिलाएका छौं ।’