मर्सिडिज र फरारी कार भन्दा पनि महँगो छ यो टायर, सबैभन्दा महँगो कुन ? हेर्नुहोस्

सन् २०१६ मा जेड टायरले विश्वको सबैभन्दा महँगो टायर बनाएको थियो । यसमा २४ क्यारेट सुन र हिरा जडान गरिएको थियो । यद्यपि यी टायर कहिल्यै प्रयोगमा ल्याइएन । दुबईमा भएको रिफेन व्यापार मेलामा सो टायर करिब ४ करोडमा लिलामी भएको थियो ।

लेटरनियोन एल २३५० टायरको मूल्य करिव ७० लाख रुपैयाँ पर्छ । यसको चारवटै टायरको मूल्य करिब २ करोड ७० लाख रुपैयाँ पर्छ । सो टायरको उचाइ १४ फिट र परिधि ४ मिटर छ । यसको वजन लगभग ६ टन छ ।

क्याटरपिलर ७९७ टायरमा लगभग ४७ नट हुन्छ । यसलाई मिशेलिन कम्पनीले बनाएको हो र यसको तौल करिब ५.३ टन छ । एउटा टायरको मूल्य करिब ४५ लाख रुपैयाँ पर्छ ।

केही महँगो टायर बुगाटी भेरोन जस्ता सुपर लक्जरी कारमा प्रयोग गरिन्छ । यो टायर फ्रान्सेली कम्पनी मिशेलिनले बनाउँछ । यो टायरको मूल्य करिब ४३ लाख रुपैयाँ रहेको छ ।

तौलको हिसाबले सबैभन्दा भारी टायर स्पेस शटलमा प्रयोग हुने टायर हुन् । यसको तौल ५६ टन हुन्छ र यो एकपटक मात्र प्रयोग गरिन्छ । यसमा नाइट्रोजन भरिएको हुन्छ । एक पटक प्रयोग गरे पछि सो टायर रिटायर हुन्छ । यसको मूल्य ६ लाख ५० हजार रुपैयाँ पर्छ ।

फायरस्टोन र गुडइयरद्वारा निर्मित मुन्सवाटर ट्रक टायरको उचाई ११ फिट र चौडाइ १२ फिटको हुन्छ । यसको तौल ४.५ टन हुन्छ । यसको मूल्य प्रत्येक टायरको ११ लाख रुपैयाँ जति हुन्छ ।