३० प्रतिशत डाउपेमेन्टमा इभोक इलेक्ट्रिक मोटरसाइकल, ब्याजदर १५.५ प्रतिशत

काठमाडौं– इभोक इलेक्ट्रिक मोटरसाइकलको नेपालका लागी आधिकारिक वितरक इन्ड्यूरो मोटर्सले ३० प्रतिशत डाउनपेमेन्टमा नयाँ बाइक खरिद गर्न सकिने अफर ल्याएको छ । दशैं तिहारलाई लक्षित गरि आएको सो अफर अन्तर्गत इभोकको अर्बान क्लासिक मोटरसाइकल खरिद गर्दा ग्राहकले ७० प्रतिशत कर्जा सुबिधा पाउनेछन् ।

सो कर्जालाई ३० महिनाको मासिक किस्तवन्दिमा भुक्तानी गर्दा १५.५ प्रतिशत ब्याज लाग्ने कम्पनीले जनाएको छ । यसको मूल्य १२ लाख ५० हजार तोकिएको छ ।

अर्वान क्लासिकमा १०.४ किलोवाट आवरको लिथियम आयोन ब्याट्री प्याक छ । यसलाई ९० मिनेटमै ८० प्रतिशत सम्म चार्ज गर्न सकिन्छ । यसलाई ३.३ किलोवाट चार्जर र कार चार्जिङ स्टेसनमा समेत चार्ज गर्न सकिन्छ । यसलाई एकपटक फुल चार्ज गर्दा २५० किलोमिटर रेन्ज पाउन सकिने दाबी गरिएको छ । साथै यसको टप स्पिड १४० किलोमिटर प्रतिघण्टा रहेको छ ।

यो मोटरसाइकलमा २५ किलोवाटको मोटर रहेको छ । डिजिटल अनबोर्ड सेन्सर र विभिन्न प्रकारका स्विच तथा मल्टिपल राइडिङ मोड रहेको यो मोटरसाइकल स्टाइलिस रेट्रो डिजाइनमा रहेको छ । यसमा यूएसडी फर्क, सिविएस सहतिको डिस्क ब्रेक, ५ इन्चको टिएफटी डिस्प्ले, ब्लुटुथ कनेक्टिभिटी र रिजेन ब्रेकिङ लगायत फिचर पाउन सकिन्छ ।