आईएमई अटोमोटिभ्सले बिक्री गर्ने उपकरण किन्न एभरेष्ट वैंकले ७५ प्रतिशत कर्जा दिने

आईएमई अटोमोटिभ्सले बिक्री गर्ने विभिन्न ब्रान्डका उपकरणमा एभरेष्ट वैंकले कर्जा प्रवाह गर्ने भएको छ । आईएमईले बिक्री गर्ने एस्कर्ट, भर्ट र हुन्डाई व्रान्डका उपकरणमा वैंकले आकर्षक व्याजदरमा ७५ प्रतिशत कर्जा दिने सम्झौता भएको हो ।

सम्झौतामा आईएमई अटोमोटिभ्सकाका तर्फबाट सीईओ हेमन्त पुराणिक र वैंकका डेपुटी जनरल म्यानेजर गौरव कुमारले हस्ताक्षर गरेका हुन् ।

सो सम्झौतासँगै ग्राहकले आईएमई अटोमोटिभ्सको देशभर संचालनमा रहेका शाखाबाट सरल र सहज रुपमा फाइनान्स सुविधा पाउनेछन् । कम्पनीले हाल एस्कर्ट व्रान्डको व्याकहो लोडर, रोड रोलर र क्रेन बिक्री गर्दै आएको छ भने हुन्डाई ब्रान्डको एस्काभेटर र भर्ट व्रान्डको स्किड स्टिर लोडर समेत उपलब्ध गराउँदै आएको छ । सो सम्झाताले ग्राहकलाई यी ब्रान्डका निर्माण उपकरण खरिद गर्न सहज हुने विश्वास लिइएको छ ।

आईएमई अटोमोटिभ्सले विगत लामो समयदेखि एस्कर्ट ब्रान्डको निर्माण उपकरण विक्री गर्दै आएको थियो भने हालै कम्पनीले भर्ट ब्रान्डको स्किड स्टिर लोडर थप गरेको हो ।

यी उपकरण वलियो, मजवुत र इन्धन किफायती विशेषतायुक्त रहेका कम्पनीको भनाइ छ । हुन्डाई व्रान्डको एस्काभेटर समेत बिक्री गर्न थालेपछि कम्पनी निर्माण उपकरणमा सवै रेन्ज उपलब्ध गराउन सक्षम भएको बताइएको छ ।