ईभीको कर अब मूल्यका आधारमा निर्धारण हुने

काठमाडौं - विद्युतीय सवारीको भन्सार शुल्क अब उक्त सवारीको मूल्यका आधारमा हुने भएको छ । अर्थमन्त्री डा. स्वर्णिम वाग्लेले आगामी आर्थिक वर्षको बजेट प्रस्तुत गर्दै मूल्यका आधारमा भन्सार शुल्क कायम गरिने बताए ।

विगतमा मोटर पिक पावरका आधारमा भन्सार शुल्क लाग्दै आएको थियो । यसो हुँदा राजस्व छली भएको आशंका थियो । महालेखा परीक्षकले पनि विद्युतीय सवारीमा राजस्व छली भएको उल्लेख गरेको थियो । नेपालसँग मोटरको पिक पावर चेक गर्ने प्रविधि पनि छैन । यस परिस्थितिलाई बुझदै अर्थमन्त्री वाग्लेले मूल्यका आधारमा भन्सार शुल्क निर्धारण गर्ने जनाएका हुन् ।

यस्तै, ईभी गाडीमा स्वास्थ्य पूर्वधार लगानी शुल्क पनि थप भएको छ । भन्सार विन्दुमा यस्तो शुल्क लाग्ने छ ।