ईभी आयातबाट ११ महिनामा १३ अर्ब बढि राजश्व, जेठ महिनामा मात्रै ३ हजार गाडी भित्रिए

काठमाडौं– चालु आर्थिक वर्षको ११ महिनामा सरकारले बिद्युतिय गाडीको आयातबाट १३ अर्ब बढी राजश्व संकलन गरेको छ । यो अवधीमा कुल ११ हजार ४६६ ईभी आयात हुँदा सरकाले १३ अर्ब ६ करोड राजश्व पाएको हो ।

आर्थिक वर्ष २०८१/८२ को बजेट सार्बजनिक भएको महिना गत जेठमा मात्र ३ हजार हाराहारी विद्युतिय गाडी आयात भएको भन्सार विभागको तथ्यांकले देखाएको छ । जेठ महिनामा मात्रै ७ अर्ब ९१ करोड रुपैँया बरावरका २ हजार ९६९ यूनिट ईभी आयात हुँदा सरकारले ३ अर्ब ६९ करोड राजश्व पाएको छ । जेठ महिनमा भित्रिएका ईभीले यस अबधिमा आयात भएको कुला हिस्साको २६ प्रतिशत हिस्सा ओगटेको छ ।

यो अवधीमा सबैभन्दा बढी ५१ देखी १०० किलोवाट मोटर क्षमता भएका ईभी ६ हजार ८८५ यूनिट भित्रिएका छन् । यसैगरी, ५१ किलोवाटसम्म मोटर क्षमता भएका ईभीको आयात ४ हजार ३४४ रहेको छ भने १०१ देखी २०० किलोवाट मोटर क्षमतासम्मका ईभी २०९ वटा आयात गरिएको छ ।

त्यस्तै, २०१ देखी ३०० किलोवाटसम्म मोटर क्षमता भएका ईभी २७ वटा र ३०० किलोवाट माथीको जम्मा १ यूनिट जर्मनीबाट आयात भएको छ । यसरी आयत गरिएका ईभीमध्ये ७० प्रतिशत हाराहारी चीनबाट र वाँकी भारत सहित अन्य मुलुकबाट भित्रिएका हुन् ।