अब सवारी चालक अनुमतिपत्र सम्बन्धी सम्पूर्ण राजस्व इसेवाबाट तिर्न सकिने

काठमाडौँ - गण्डकी प्रदेशको पोखराबाट अबदेखि सवारी चालक अनुमतिपत्र लिने, वर्ग थप्ने र नवीकरण गर्दा भुक्तानी गर्नुपर्ने राजश्व रकम इसेवाबाट सजिलै भुक्तानी गर्न मिल्ने भएको छ ।

लामो समय लाइनमा बस्नुपर्ने अवस्थाको अन्त्य गर्न र यातायात कार्यालयको सेवा चुस्त बनाउने हेतुले इसेवाबाट सजिलै भुक्तानी गर्न मिल्ने व्यवस्था गरिएको हो ।

कार्यालका अनुसार https://applydlnew.dotm.gov.np/login मा गएर सेवाग्राहीले आवश्यक सम्पूर्ण विवरण भरेपछि ‘पे नाउ’ अप्सन देखापर्छ । उक्त लिङ्क छानेपस्चात अनलाइन भुक्तानीका लागि विभिन्न भुक्तानी सेवा प्रदायकहरूको लोगो सहितको पृष्ठ देखापर्नेछ । जहाँ सेवाग्राहीहरूले इसेवा छनोट गरेर सहजै रकम भुक्तानी गर्न सक्नेछन् ।

प्रविधिको सदुपयोग गर्दै सरकारी सेवा प्रवाहका क्रममा देखिने गरेको भीड तथा लाइन र विचौलियामुक्त बनाई सुशासन प्रवर्द्धन गर्ने उद्देश्यका सेवा सुरु गरिएको जनाइएको छ ।