अत्यावश्यक लाइसेन्स छपाइ बन्द, प्रिन्टिङ प्रणालीमा समस्या

काठमाडौं - यातायात व्यवस्था विभागले गर्दै आएको अत्यावश्यक लाइसेन्स छपाइ कार्य बन्द भएको छ। गत बैशाख २५ गते बिहीबारदेखि विभागको प्रिन्टिङ प्रणालीमा समस्या आएका कारण अनिश्चितकालका लागि सेवा बन्द भएको विभागले सूचना जारी गर्दै जानकारी दिएको छ।

विभागका अनुसार अध्ययन तथा रोजगारीका लागि विदेश जाने नेपाली नागरिक, शान्ति सेना मिसनमा जाने नेपाली सेना, प्रहरी र गैरआवासीय नेपालीका लागि अत्यावश्यक सवारी चालक अनुमतिपत्र (लाइसेन्स) छपाइ हुँदै आएको थियो।

अब अर्को सूचना प्रकाशन नभएसम्मका लागि अत्यावश्यक लाइसेन्स छपाइ सेवा बन्द भएको विभागको सूचनामा उल्लेख गरिएकाे छ ।