नयाँ वर्षमा हुन्डाई गाडी किन्दा आयो यस्तो अफर, नगद छुट र बोनस लगायत थप सुविधा

काठमाडौं - हुन्डार्ई गाडीको नेपालका लागि आधिकारिक वितरक लक्ष्मी इन्टरकन्टिनेन्टल प्रालिले नयाँ वर्ष २०८३ को अवसरमा “हुन्डार्ईसँग शुभ यात्रा २०८३” नामक आकर्षक अफर सार्वजनिक गरेको छ ।

नयाँ वर्ष हुन्डार्ईसँग सुरु गर्न चाहने ग्राहकहरूका लागि ल्याइएको यस योजनाअन्तर्गत चयन गरिएका मोडलहरूमा १ लाख ७५ हजार रुपैयाँसम्म नगद छुट र ९६ हजार रुपैयाँसम्म नयाँ वर्ष बोनस प्रदान गरिनेछ। साथै, एक वर्षसम्म निःशुल्क बीमा र सवारी कर, मूल्यांकनसहितको एक्सचेन्ज सुविधा पनि उपलब्ध हुनेछ, जसले गाडी खरिद प्रक्रिया अझ सहज बनाउनेछ।

यसका अतिरिक्त, हुन्डार्ईले बिक्री पछिका सेवामा पनि विशेष ध्यान दिँदै ६ वर्षसम्म निःशुल्क सर्भिस र ३ वर्षको वारेन्टी सुविधा प्रदान गर्दै आएको छ ।

पछिल्ला दुई वर्षदेखि क्रेटा र भेन्यु जस्ता लोकप्रिय मोडलहरू नेपालमै एसेम्बल गर्दै आएको कम्पनीले नेपाली इन्जिनियर र दक्ष जनशक्तिको प्रयोगमार्फत औद्योगिक विकासमा योगदान पु–याइरहेको छ । करिब ५ अर्ब रुपैयाँभन्दा बढी लगानी भएको यस पहलले स्थानीय सीप विकासलाई समेत टेवा दिएको कम्पनीको भनाइ छ ।

ग्राहकमैत्री सुविधा र लोकप्रिय मोडलहरू सहितको यस अफरले नयाँ वर्ष २०८३ लाई अझ विशेष बनाउने लक्ष्य राखिएको कम्पनीले बताएको छ । कम्पनीले सबैलाई नयाँ वर्षको शुभकामना दिँदै नजिकको हुन्डार्ई सोरुममा गई यस अफरबारे थप जानकारी लिन आग्रह गरेको छ ।