हुन्डाई क्रेटा ईभीको टेक्नोलोजी, फिचर र सेफ्टी फिचर सार्वजनिक

हुन्डाईले आफ्नो बहुप्रतिक्षित एसयूभी इलेक्ट्रिक क्रेटा लन्च गर्ने तयारी गरिरहेको छ । इलेक्ट्रिक क्रेटामा अत्याधुनिक टेक्नोलोजी र सेफ्टी फिचर भएको कम्पनीले दाबी गरेको छ ।

हुन्डाईले क्रेटा ईभीमा उत्कृष्ट टेक्नोलोजी प्रदान गरेको छ । कम्पनीबाट प्राप्त जानकारीका अनुसार यसमा इन कार पेमेन्ट पनि दिइनेछ, जसले गर्दा चार्जिङको समयमा इन्फोटेनमेन्ट स्क्रिनबाट नै पेमेन्ट गर्न सकिनेछ । साथै यसमा डिजिटल की, सिफ्ट बाइ वायर, सिंगल पेडल ड्राइभ, भेइकल टु लोड जस्ता प्रविधि उपलब्ध गराएको छ ।

हुन्डाई क्रेटा ईभीमा कम्पनीले धेरै उत्कृष्ट फिचर पनि उपलब्ध गराएको छ । यसमा एड्भान्स क्लाइमेट कन्ट्रोल, बोसको ८ स्पिकर अडियो सिस्टम, १०.२५ इन्चको ड्युअल कर्भिलिनियर स्क्रिनसहितको एचडी इन्फोटेनमेन्ट, डिजिटल इन्स्ट्रयुमेन्ट क्लस्टर, कुल्ड ग्लोभ बक्स, २६८ भाषामा भ्वाइस कमाण्ड, प्यानोरामिक सनरुफ, हुन्डाई ब्लुलिङ्क कनेक्टिभिटी जस्ता फिचर प्रदान गरेको छ ।

इलेक्ट्रिक क्रेटामा सुरक्षामा पनि विशेष ध्यान दिइएको छ । यसमा एड्भान्स हाई स्‍ट्रेन्थ स्‍टिलको प्रयोग गरिएको छ। यस बाहेक यसमा १९ सेफ्टी फंक्शनसहितको लेभल-२ एडास, ६ एयरब्याग, अल ह्विल डिस्क ब्रेक, ईपीबी, अटो होल्ड, हिल होल्ड असिस्ट, ईएससी, बीएसएम, आइसोफिक्स चाइल्ड एन्कोरेज, टीपीएमएस जस्ता फिचर रहेको छ । साथै एभीएम, बीभीएम, रेन सेन्सिङ वाइपर, पार्किङ सेन्सर जस्ता सेफ्टी फिचर पनि उपलब्ध गराएको छ ।

हुन्डाई क्रेटा इलेक्ट्रिक एसयूभी १७ जनवरी २०२५ मा हुने अटो एक्पोमा लन्च गरिने भएको छ । यसको मूल्य सम्भवत: २० लाख देखि २५ लाख भारु हुने अपेक्षा गरिएको छ । सो एसयूभीले मारुती ग्रान्ड भिटारा इलेक्ट्रिक, एमजी जेडएस ईभी, टाटा कर्भ ईभी जस्ता इलेक्ट्रिक एसयूभीसँग प्रतिस्पर्धा गर्नेछ ।