तपाईले स्कुटर चलाउने तरिका ठिक छ त ? यसरी भइरहेको छ गल्ती

पुराना स्कुटरको युग सकिएपछि हाल नयाँ प्रविधियुक्त स्कुटरले आफ्नो छुट्टै पहिचान बनाएका छन् । यी स्कुटरमा गियर हुँदैन । स्कुटर स्थानीय रूपमा काम चलाउन र छोटो दुरीको लागि कार्यालय जाने र आवागमनका लागि महिलाको लागि मनपर्ने टु ह्विलर सवारी साधन पनि हो । हाल बजारमा होन्डा, हिरो, टीभीएस, सुजुकी, यामाहा जस्ता कम्पनीको स्कुटर उपलब्ध छ ।

बर्षेनी बजारमा करिब ५० लाख स्कुटर बिक्री हुने गरेको छ । एक अनुमान अनुसार ९० प्रतिशत मानिसले गलत तरिकाले स्कुटर चलाउँछन् । यसले स्कुटर चाँडै बिग्रनै, इन्जिन फेल हुने र माइलेज कम हुने सम्भावना केही वर्षमै बढ्छ ।

धेरैजसो स्कुटरले औसत ४० किलोमिटर प्रतिलिटर माइलेज दिन्छ । धेरैजसो मानिसले गलत तरिकाले स्कुटर चलाउनाले स्कुटरको माइलेज ३०–३५ किलोमिटर प्रतिलिटर मात्र हुन्छ ।

स्कुटरमा कुनै गियर हुँदैन न त खुट्टामा ब्रेक नै हुन्छ साथै स्कुटरमा क्लच पनि हुँदैन । यस्तो अवस्थामा धेरैले स्कुटर चलाउँदा ब्रेकमा औंला राख्नुका साथै एक्सिलरेटरको पनि प्रयोग भइरहेको हुन्छ । यो सवारी साधन चलाउने सबैभन्दा खराब तरिका हो । ब्रेकमा औंला राखेर रेस दिंदा त्यहाँ दुई विपरीत शक्तिले एकै समयमा काम गर्छ । यसले इन्जिनमा तनाव बढाउँछ र ब्रेक सोल चाँडो आउट हुनुका साथै इन्जिनको क्लच प्लेट पनि छिटो आउट हुन्छ । यसका कारण स्कुटरले धेरै पेट्रोल खपत गर्छ ।

स्कुटर ४५ देखि ५० को स्पिडमा ड्राइभ गर्दा अनावश्यक रूपमा औंला ब्रेकमा राख्नुहुन्न । यसले इन्जिनमा कुनै तनाव हुँदैन र क्लच प्लेट पनि फ्रि रहन्छ । साथै स्कुटरलाई अचानक नरोकी पहिले एक्सिलरेटर छोड्नु पर्छ र आफैले गति कम गर्ने प्रयास गर्नुपर्छ ।

एकै झटकामा गति बढाउने र रोक्नु हुँदैन । ब्रेक फ्रि भएर स्कुटर चलाउने र इन्जिन आयल नियमित फेर्ने हो भने १० देखि १५ वर्षसम्म इन्जिनमा केही समस्या आउँदैन ।