दिपलले किन्यो हुन्डाईको चोङकिङ प्लान्ट, वार्षिक ३ लाख कार उत्पादन गर्ने क्षमता वृद्धि

हुन्डाई मोटर कम्पनी (बेइजिङ हुन्डाई) को चोङकिङ प्लान्ट चाङ्गनको दिपल अटोमोबाइल टेक्नोलोजी कम्पनी लिमिटेडले खरिद गरेको छ । प्लान्ट १.६२ बिलियन युआन (लगभग २२८ मिलियन अमेरिकी डलर) मा बेचिएको हो ।

१.८७ मिलियन वर्ग मिटर क्षेत्रफलमा फैलिएको उक्त प्लान्ट डिसेम्वर २०२१ देखी निष्क्रिय रहँदै आएको थियो । प्लान्ट निर्माणका लागि हुन्डाईले प्रारम्भिक लगानी १.०९ बिलियन अमेरिकी डलर खर्चिएको थियो । प्लान्टबाट बार्षिक ३ लाख कार उत्पादन गर्न सकिन्छ ।

दिपलले हाल नान्जिङ र बेइजिङमा प्रमुख उत्पादन सुबिधाहरु सञ्चालन गर्दै आएको छ । चोङकिङ प्लान्ट समेत थपिँदा यसको उत्पादन क्षमता विस्तार हुने अपेक्षा गरिएको छ ।

उद्योग पर्यवेक्षकहरूले स्थानान्तरणलाई चीनको अटोमोटिभ उत्पादन परिदृश्यमा व्यापक समायोजनको अंशको रूपमा हेरेका छन्, जहाँ घरेलु ईभी ब्रान्डहरूले बढ्दो रूपमा निष्क्रिय संयुक्त–उद्यम कारखानाहरू कब्जा गरिरहेका छन् । यो कदम चाङगन अटोमोबाइलको दीर्घकालीन क्षमता योजनासँग पनि मिल्दोजुल्दो छ, जसले आफ्ना ब्रान्डहरूमा वार्षिक रूपमा पाँच लाख युनिट उत्पादन लक्ष्य राखेको छ ।