डेटलाइन असोज २८ : आयात प्रतिबन्ध खुल्ला ?

सरकारले खासगरी विदेशी मुद्रा सञ्चितिमा दवाव परेको कारण देखाउदै २०७९ बैशाख १४ गते देखि जिप, कार र भ्यान जस्ता निजी प्रयोजनका सवारी साधनहरुको आयातमा प्रतिवन्ध लगाउदै आएको छ । त्यस प्रतिवन्धलाई क्रमशः विस्तार गर्दे २०७९ को असोज २८ गतेसम्म पु¥याएको छ । तर हाल विदेशी मुद्रा सञ्चिति लगायत धेरै आर्थिक सुचकाङ्कहरु सकारात्मक अवस्थामा पुगेका छन् ।

देशलाई भन्सार विन्दुमा उठने परल मूल्य भन्दा दोब्बर राजस्व बुझाउदै देशको कुल कर राजस्वमा झण्डै २५ प्रतिशत योगदान पु¥याउने नेपालको अटोमोबाइल क्षेत्र हो । अटोमोबाइल व्यवसायीहरुको संगठन नाडाले खर्बौको लगानी तथा लाखौलाई रोजगारी प्रदान गरेको अटोमोबाइल व्यवसाय आज सरकारको उक्त अदुरदर्शी नीतिका कारण धरासायी हुने अवस्थामा पुगेको बताएको छ ।

नाडा अध्यक्ष ध्रुव थापाले अब प्रतिबन्ध खुल्नु पर्ने र यसमा सबैको सहयोग हुनुपर्ने बताएका छन् । नेपालको कूल आयातमा निजी प्रयोजनका कार, जिप र भ्यान जस्ता सवारी साधनहरुको आयात १ प्रतिशत (१७ अरब मात्र) भन्दा कम रहेको प्राप्त तथ्याङ्कहरुबाटै स्पष्ट हुन्छ । तर यो क्षेत्रबाट सरकारलाई झण्डै ३९ अरव योगदान रहेको छ । नेपालमा पैठारी हुने हजारौ बस्तुहरु मध्ये कार, जिप र भ्यान जस्ता सवारी साधनहरु मात्र यस्तो बस्तु हुन् जसले आयातको तुलनामा झण्डै दोब्बर भन्दा बढी राजस्व योगदान पु-याउने गर्दछ ।

यस तथ्यले नेपालको बढदो व्यापार घाटा र शोधनान्तर घाटामा यसको अंश अत्यन्त सानो भए पनि योगदान भने धेरै उच्च रहेको समेत स्पष्ट हुन्छ । यसै यथार्थताहरुलाई मनन गर्दे कार, जिप र भ्यान जस्ता निजी प्रयोजनका सवारी साधनहरुको आयातमा लागेको प्रतिवन्ध फुकाउनका लागि नाडाले सरकार र सम्बन्धित निकायलाई अनुरोध गरेको छ ।

बजारमा रोजाईका सवारी साधन नभएकै कारण इतिहासमै पहिलो पटक चाडपर्व खल्लो बनेको छ । सामान्य अवस्थामा करिव ४० प्रतिशत सवारी साधनको कारोबार चाडपर्वकै मौसममा हुने भए पनि यस पटक भने त्यसो भएन । नाडाले सधै गर्दै आएको नाडा अटो शो यस पटक गरेन । नाडा ईभी एक्सपो आयोजना गरे पनि यसबाट अपेक्षाकृत व्यवसाय चलायमान हुन सकेन ।

दसैं सकिएर अब तिहारको प्रतीक्षा भइरहेको तथा असोज २८ नजिकिदै गर्दा आयात प्रतिबन्ध खुल्ने र सवारी साधनको कारोबार पनि सहज हुने अपेक्षा व्यवसायीहरुले गरेका छन् ।