लीफान स्कुटरको खरिदमा ५० हजार सम्म छुट, सफल बन्दै दशैं स्किम

काठमाडौं– लीफान इलेक्ट्रिक स्कुटरको नेपालका लागि आधिकारिक वितरक पिनाकल मोटोरार्ड प्रालिले दशैं अफर ल्याएको छ । ‘यसपालीको दशैं, लीफान संगै’ भन्ने नाराका साथ असोज १ देखी लागु भएको स्किम अन्तर्गत स्कुटर खरिद गर्दा ग्राहकले नगद छुट र अन्य सुविधा पाउनेछन् ।

सो स्किम अन्तर्गत ग्राहकले ५० हजारसम्म छुट, एक वर्षको रोड ट्याक्स र एक वर्षको सर्भिसिङ निशुल्क पाउने कम्पनीले जनाएको छ । साथै एक्सचेन्ज र फाइनान्स सुबिधा समेत उपलब्ध रहेको छ । फाइनान्स सुविधामा खरिद गर्दा ग्राहकले ब्याज तिर्नुपर्दैन । अफरलाई ग्राहकले मन पराएको र सफल वनिरहेको कम्पनीले जनाएको छ ।

दशैं अफर लागु भएको एक हप्तामा कम्पनीले २१ वटा लिफान स्कुटर बिक्री गर्नुको साथै ८ वटा वुकिङ लिएको कम्पनीका सेल्स म्यानेजर रुपक भट्टराइले जानकारी गराए । दशैंभर चल्ने सो स्किमको सुरुवाती चरणमा ग्राहकबाट राम्रो प्रतिक्रिया प्राप्त भइरहेको र स्किम अवधीभर अझै धेरै ग्राहकलले स्कुटर खरिद गर्ने उनको भनाई छ ।

लीफानको नेपाली बजारमा ई३, ई४ र ई४ ब्रिङ नामका ३ वटा मोडल उपलब्ध छन् । जसको मूल्य क्रमशः २ लाख ४९ हजार, ३ लाख १४ हजार र ३ लाख ९ हजार रुपैयाँ निर्धारण गरिएको छ । ३ देखी ४ घन्टामा फुल चार्ज गर्न सकिने यी स्कुटरले सिंगल चार्जमा ८० किलोमिटरसम्म रेन्ज दिने कम्पनी दावी छ ।