महिला राइडरलाई नगरकोट राइडमा सहभागी गराई क्रसफायरले मनायो नारी दिवस

क्रसफायर मोटरसाइकलको नेपालका लागि आधिकारिक बितरक क्लासिक ह्व्लिस एक्सपोर्ट एन्ड इम्पोर्ट प्रालिले नारी दिवसको अबसरमा ६ जना चर्चित महिला राइडरलाई सहभागी गराई नगरकोट राइड सम्पन्न गरेको छ ।

शनिबार आयोजना गरिएको उक्त राइडमा ओमदेबी तामाङ(सोनी), जन मुद्रा, रोशनी भण्डारी, दिक्षा शाही, सिर्जना कपाली र वर्षा वस्नेतले सहभागिता जनाएका थिए । उनीहरु सबै क्रसफायर ब्रान्डको एड्भेन्चर बाइक चलाएर नगरकोट पुगेक हुन् ।

राइडको क्रममा आफूहरुले एड्भेन्चर टुरको भरपुर आनन्द लिएको र नारी दिवसलाई क्रसफायरले बिशेष बनाएको उनीहरुले बताएका छन् । साथै हिजो उक्त दिवसको अवसर पारेर कम्पनीले उनीहरु छ जनाले चाल्दै आएको शाहसी कदमको प्रशंसा गर्दै बिशेष प्रकारले डिजाइन गरिएको ज्याकेट हस्तान्तरण गरेको छ । उनीहरुको नाम लेखेर डिजाइन गरिएको ती ज्याकेट शोरुममा एक कार्यक्रम आयोजना गरी हस्तान्तरण गरिएको हो ।