क्रसफायरले माग्यो देशका यी ८ स्थानमा डिलर

क्रसफायर तथा इटालिका मोटोको नेपालका लागि आधिकारिक बितरक क्लासिक ह्विल एक्सपोर्ट इम्पोर्ट प्रालिले देशका ८ स्थानमा डिलर आह्वान गरेको छ । उसले धनगढी, सूर्खेत, चितवन, दाङ्ग, हेटौडा, कोहलपुर, दमौली र बर्दिबासमा डिलर आह्वान गरको हो ।

कम्पनीको हाल उपत्यकामा ३ वटा सहित पोखरा, नेपालगन्ज, धरान र वुटवलमा गरी कुल ७ स्थानमा शोरुम सञ्चालन भैरहेको छ ।

नेपाली बजारमा हाल क्रसफायरका जीआर७, आरएम २५० ट्विन, एचजे र केही समयअघिमात्र भित्रिएको नयाँ बाइक ट्रेकर सहित कुल चारवटा मोडल उपलब्ध छन् भने स्कुटरमा इटालिका मोटोको फर्मूला १५० उपलब्ध रहँदै आएको छ ।

यी मोटरसाइकल तथा स्कुटरको माग बजारमा बढ्दै गएका कारण अन्य स्थानमा समेत डिलर नेटवर्क बिस्तार गर्नुपरेको कम्पनी स्रोतले बताएको छ । इच्छुक व्यक्ति तथा संस्थाले देशका अन्य स्थानमा समेत डिलर लिन सक्ने उसको भनाई छ ।