अब टीभीएस स्कुटरको डिस्प्लेमै हेर्न सकिन्छ क्रिकेट र फुटवलको स्कोर तथा मौसम सम्बन्धी जानकारी

टीभीएस मोटर्सले हालै लन्च गरेको एनटर्क स्कुटरको नयाँ भेरिएन्ट अत्याधुनिक फिचर्सका कारण चर्चित बनिरहेको छ । टीभीएसले निर्माण गरेको हालसम्मकै सबैभन्दा महंगो र हाइटेक फिचर्सबाट सुसज्जित एनटर्क एक्सटीमा जडान गरिएको नयाँ इन्स्ट्रयुमेन्ट क्लस्टर अहिले चर्चाको विषय वनिरहेको हो ।

यो स्कुटरमा टीभीएसले एलसिडी डिस्प्ले सहितको टिएफटी स्क्रिन उपलब्ध गराएको छ । उक्त स्क्रिनमा सोसल मिडिया नोटिफिकेसन, फूड डेलिभरी ट्रयाकिङ इन्फर्मेसन, मौसम पूर्वानुमान सम्वन्धि जानकारी, क्रिकेट र फुटवल म्याचको स्कोर लगायत जानकारी समेत लिन सकिन्छ ।

यसको साथै आफूसँग भएको स्मार्ट फोनलाई ब्लुटुथमार्फत कनेक्ट गरी कल तथा एसएमस अलर्ट र टर्न वाई टर्न नेभिगेसन जस्ता फिचर्स समेत प्रयोग गर्न सकिन्छ । यो स्कुटरको टिएफटी स्क्रिनमा फोन गर्ने व्यक्तिको प्रोफाइल तस्विरलाई समेत हेर्न सकिन्छ ।

यो स्कुटरमा यति धेरै फिचर्स दिइएका कारण यसलाई जिम्मेवारी पूर्वक प्रयोगमा ल्याउनु पर्ने देखिन्छ । स्कुटर चलाइरहेको समयमा यी फिचर्समा बढी जोड दिंदा दुर्घटना निम्तिन सक्ने जोखिम वढ्ने हुँदा राइडर थप जिम्मेवार हुनुपर्ने देखिएको हो ।