क्रेटा एन लाईन भारतमा सार्बजनिक, यस्तो छ फिचर र पर्फमेन्स

हुन्डाईले आफ्नो चर्चित मिडसाइज एसयुभी क्रेटालाई नयाँ भर्सनमा उतारेको छ । कम्पनीले एन लाईनलाई भारतमा सार्बजनिक गरेको हो । मार्च ११ मा औपचारिक लन्च हुने तय भएको सो एसयूभीको बुकिङ समेत खुल्ला गरिएको छ ।

हालसालै लन्च भएको फेसलिफ्ट मोडलमा आधारित सो नयाँ मोडल स्ट्यान्डर्ड भर्सन भन्दा स्पोर्टी देखिन्छ । यसमा आयताकार फ्रन्ट ग्रिल र सिल्भर इन्सर्टसहित बम्पर, एल आकारको एलईडी डीआरएल र रातो ब्रेक क्यालिपरसहित १८ इन्च डुअल टोन एलोय ह्वीलहरू छन् । एसयूभीमा डुअल–टिप एग्जस्ट, रूफ स्पोइलर र पछाडि स्पोर्टी बम्पर दिइएको छ ।

साथै सो नयाँ मोडलमा रातो एक्सेन्ट, एन लाइन विशेष स्टेयरिङ ह्वील, गियर लिभर र आल्मुनियम पेडलसहितको पूर्ण कालो इन्टेरियर पाउन सकिन्छ ।

क्रेटा एन लाइन १.५ लिटर टर्बो–पेट्रोल इन्जिनको साथ उपलब्ध हुनेछ । जसको पावर १५८ बिएचपी र टर्क २५३ एनएम छ । सो एसयुभीमा ६ स्पिड म्यानुअल र ७ स्पीड डुअल–क्लच अटोमेटिक ट्रान्समिसनको बिकपल्प प्रदान गरिएको छ ।