११ लाख भारुमा लन्च भयो क्रेटा फेसलिफ्ट, तीन इन्जिन बिकल्प र ७ ट्रिममा उपलब्ध हुने

हुन्डाईले आधिकारिक रूपमा भारतमा क्रेटा फेसलिफ्ट सार्वजनिक गरेको छ । रेगुलर क्रेटालाई अपडेट गरी ल्याइएको सो नयाँ एसयूभीको सुरुवाती मूल्य ११ लाख भारु निर्धारण गरिएको छ भने सबैभन्दा महंगो भेरिएन्ट टर्बो पेट्रोललाई २० लाख तोकिएको छ । नयाँ क्रेटा डिजेल, पेट्रेल र टर्वो पेट्रोल इन्जिन पवारट्रेनका साथ ७ ट्रिममा आएको हो ।

एल आकारको एलईडी डेटाइम रनिङ लाइट र बम्परमा राखिएको आयताकार एलईडी हेडल्याम्पसहितको आयताकार ग्रिलले यसको फ्रन्ट फेसियलाई निकै स्पोर्टी र आकर्षक देखाएको छ ।

साइड प्रोफाइलमा खासै परिवर्तन गरिएको छैन भने नयाँ एल आकारको एलईडी लाइट बारको साथ पुनः डिजाइन गरिएको रियर फेसिया दिइएको छ । सिल्भर फक्स स्किड प्लेट र नयाँ डिजाइनको डायमण्ड–कट एलोय ह्वीलसहित पुनः डिजाइन गरिएको बम्परहरू यसमा पाउन सकिन्छ ।

पूर्ण रूपमा सुधारिएको इन्टेरियरका साथै यसको क्याविनमा इन्फोटेनमेन्ट सिस्टम र डिजिटल इन्स्ट्रुमेन्ट क्लस्टरका लागि डुअल १०.२५ इन्च स्क्रिन रहेको छ । पूर्णत नयाँ सेन्टर कन्सोल जडान भएर आउको नयाँ क्रेटामा डुअल जोन अटोमेटिक क्लाइमेट कन्ट्रोल सिस्टम रहेको छ ।

क्रेटामा ८–वे पावर एडजस्टेबल ड्राइभर सिट, लेदरको अपहोल्स्ट्रीमा बेरिएको भेन्टिलेटेड फ्रन्ट सिट, टु स्टेप रिक्लाइनिङ रियर सिट, र रियर सिट हेडरेस्ट कुसनहरू दिइएको छ । अन्य सुविधाहरूमा आवजमार्फत ै खोल्न र बन्द गर्न सकिने पानोरामिक सनरुफ, रिडिङ ल्याम्प र रियर सेन्टर आर्मरेस्ट समावेश छ ।

एडास फिचर अन्तर्गत यसमा लेन किप एण्ड फलोइङ असिस्ट, लेन डिपार्चर वार्निङ, एडाप्टिभ क्रुज कन्ट्रोल, फ्रन्ट कोलिसन एभाइडेन्स, ब्लाइन्ड स्पट भ्यू मनिटर र ड्राइभर अटेन्सन वार्निङ जस्ता सुविधाहरू समावेश छन् ।

साथै यसमा ६ वटा एयरब्याग, चारै पाङ्ग्रामा डिस्क ब्रेक, ईएसी, भीएसम, हिल–स्टार्ट असिस्ट कन्ट्रोल र टायर प्रेसर मोनिटरिङ सिसटम लगायत अन्य थुप्रै सेफ्टि फिचर दिइएको छ ।

यसमा जडान गरिएको १.५ लिटर पेट्रोल इन्जिनले ११३ एचपी र १४४ एनएम टर्क जेनेरेट गर्दछ भने १.५ लिटर डिजेल इन्जिनले ११४ बीएचपी पावरको साथै २५० एनएम टर्क जेनेरेट गर्ने सामथ्र्य राख्दछ । यसैगरी १.५ लिटर टर्बो पेट्रोलको पावर १५८ विएचपी तथा टर्क २५३ एनएम रहेको छ ।

नयाँ क्रेटामा ६ स्पिड म्यानुल, ६ स्पिड अटोमेटिक, सिभीटी र ७ स्पिड डुअल क्लच अटोमेटिक गरी कुल ४ वटा ट्रान्समिनसको विकल्प दिइएको छ ।