डिलरशिपमा पुग्न थाल्यो क्रेटा फेसलिफ्ट, ८ दिनपछि लन्च हुँदै

हुन्डाईले अपडेटेड क्रेटालाई भारतभरका डिलरशिपहरूमा पठाउन थालेको छ । अवको ८ दिनपछि अर्थात जनवरी १६ मा लन्च हुने तय भएको क्रेटा फेसलिफ्टलाई कम्पनीले यसअघि नै बुकिङ खुला गरिसकेको छ ।

डिलरशिपमा पुग्न थालेपछि यसको एक्सटेरियरबारे सम्पूर्ण जानकारी बाहिर आएको छ । हुन्डाईले सो नयाँ एसयूभीको फ्रन्ट फेसियालाई पूर्ण रूपमा रिडिजाइन गरेको छ । यसमा अब एल आकारको एलईडी डेटाइम रनिङ लाइटहरू र ठाडो स्ट्याक्ड हेडल्याम्प एकाइहरू सहितको आयताकार क्रोम ग्रिल दिइएको छ ।

एल आकारको एलईडी टेल लाइट र कारको चौडा भागमा फैलिएको एलईडी लाइट बारको सौजन्यले पछाडिको छेउमा पूर्ण रूपमा नयाँ लुक पाउन सकिन्छ । साइड प्रोफाइलमा कुनै परिवर्तन नगरिएपनि यसमा दिइएको नयाँ डायमण्ड–कट एलोय ह्वील र अन्य साना परिवर्तनले एसयूभीलाई थप आकर्षक देखाएको छ ।

तीन इन्जिन विकल्पसहित कुल ७ भेरिएन्टमा आउने तय भएको क्रेटा फेसलिफ्टमा १.५ लिटर पेट्रोल, १.५ लिटर टर्बो–पेट्रोल र १.५ लिटर डिजेलको विकल्प पाउन सकिनेछ । साथै यसमा ६–स्पीड म्यानुअल, ६–स्पीड आईभीटी, ६–स्पीड आइएमटी, ६–स्पीड एटी र ७–स्पीड डिसीटी ट्रान्समिनको विकल्पा दिइएको छ ।

नेपाली बजारमा समेत निकै नै रुचाइएको कम्प्याक्ट एसयूभी क्रेटाको फेसलिफ्ट मोडल भारतमा लन्च भएलगत्तै यहाँको बजारमा पनि आउने अनुमान गर्न सकिन्छ । पुरै नयाँ लुक्स तथा डिजाइन र अत्याधुनिक फिचर लोड भएर आउन लागेको सो नयाँ एसयूभीले ईभीमय बनेको नेपाली अटो बजारमा कस्तो प्रभाव पार्ला भनेर जान्न भने केही समय कनुपर्नेछ ।