क्रेटा ईभी अव नेपालगञ्जमा पनि, बिक्री पछिको सेवामा ढुक्क हुन ग्राहकलाई आग्रह

काठमाडौं–हुन्डाई गाडीको नेपालका लागि आधिकारिक वितरक लक्ष्मी इन्टरकन्टिनेन्टल प्रालिले नेपालगञ्जमा क्रेटा ईभी सार्वजनिक तथा विशेष अन्तरक्रिया कार्यक्रम सम्पन्न गरेको छ ।

नेपालगन्जस्थित बिक्रेता हिम ईन्टरकन्टिनेन्टल प्रालिको आयोजनामा विशेष भेटघाट कार्यक्रम तथा नयाँ क्रेटा ईभी सार्वजनिक गरिएको हो । जहाँ क्रेटा ईभी सहित हुन्डाईका अन्य नयाँ मोडलहरू समेत प्रदर्शन गरिएको थियो । कार्यक्रम स्थलबाटै ४ वटा क्रेटा ईभी डेलिभरी तथा थप ४ युनिट क्रेटा ईभी बुकिङ भएको कम्पनीले जनाएको छ ।

नयाँ क्रेटा ईभीको आगमनसंगै विद्युतीय सवारीबारे दुविधा भएका ग्राहकहरूलाई स्पष्ट निर्णय लिन सजिलो बनाउन कम्पनीले पछिल्लो समय आफ्नो ईभी इकोसिस्टमबारे जानकारी दिँदै आएको छ । नेपालभर यो सन्देश फैलाउन कम्पनीको उच्च व्यवस्थापन टोली देशका विभिन्न सहरमा डिलरहरूसँग प्रत्यक्ष भेटघाट गरिरहेका छन् । सोही अभियान अन्तर्गत असार ९ गते नेपालगञ्जमा कार्यक्रम आयोजा गरिएको हो ।

कम्पनीका अनुसार, धेरैलाई ईभी खरीद गर्दा स्पेयर पाट्र्सको उपलब्धता, सेवा शुल्क र दीर्घकालीन ब्रान्ड सपोर्टको विषयमा शङ्का हुने गर्दछ । देशमै क्रेटा पेट्रोल मोडलको निर्माण कार्य थालिसकेको र क्रेटा ईभी तथा आईसिई दुवै मोडलमा एउटै प्लेटफर्म प्रयोग हुने भएकाले गाडी खरिद पछिको सेवामा कुनै दुबिधा नराख्न कम्पनीले आग्रह गरेको छ ।

साथै लक्ष्मी हुन्डाईले ईभी इकोसिस्टमलाई अझै मजबुत बनाउन रि–ल्याक्स चार्जिङ्गको नेटवर्क विस्तार गर्दैछ । जसअन्तर्गत अहिले नै देशभरका विभिन्न ठाउँहरुमा डीसी र एसी गरी ६६ वटा यस्ता चार्जर उपलब्ध छन् । यसले गर्दा ग्राहकहरूलाई हुन्डाईको पेट्रोल र आईसिई कुनैपनि गाडी खरिद गर्दा सेवा, पाट्र्स र सपोर्टमा कुनै किसिमको कमी नहुन दाबी गरिएको छ ।

ग्राहकवर्गलाई प्रदान गर्दै आएको उच्च गुणस्तरीय सेवा, उत्कृष्ट मूल्यमा विश्वसनीय गाडी र देशभर फैलिएको व्यापक नेटवर्कका कारण हुन्डाई नेपालले सम्पूर्ण उपभोक्ताहरूको मन जित्दै आफूलाई नेपालको उत्कृष्ट अटो ब्रान्डको रुपमा स्थापित गरिसकेको छ ।