प्रत्येक ५ मिनेटमा एउटा क्रेटा बिक्री !

हुन्डाई इण्डियाले क्रेटाको कुल बिक्री १० लाख युनिट नाघेको घोषणा गरेको छ । क्रेटा २०१५ मा भारतीय बजारमा लन्च गरिएको थियो । विगत ८ वर्षदेखि यो सबैभन्दा लोकप्रिय मिड साइज एसयूभी मध्येको एक बनिरहेको छ । हरेक ५ मिनेटमा एउटा क्रेटा बिक्री हुने गरेको बताइएको छ ।

हुन्डाईले भर्खरै क्रेटाको अपडेटेड संस्करण लन्च गरेको छ । कम्पनीले ६० हजारभन्दा बढी बुकिङका साथ अत्याधिक प्रतिक्रिया पाएको दाबी गरेको छ । क्रेटा फेसलिफ्ट सात भेरियन्टमा उपलब्ध छ, जसको मूल्य ११ लाख भारु(एक्स–शोरूम) बाट सुरु हुन्छ।

हुन्डाईले मेड इन इन्डिया क्रेटालाई विश्व बजारमा पनि निर्यात गर्छ । कम्पनीका अनुसार हालसम्म २ लाख ८० हजार युनिट निर्यात भइसकेको छ । क्रेटा नेपाली बजारमा समेत निकै रुचाइएको एसयूभी हो ।

९ वर्षअघि लन्च भएको यो एसयुभीले बजारबाट निकै राम्रो प्रतिक्रिया पाइरहेको छ । नेपाली बजारमा यसको शुरुवाती मूल्य ५२ लाख ९६ हजार निर्धारण गरिएको छ । टप भेरिएन्टलाई ७९ लाख ५६ हजार रुपैयाँ पर्छ ।