सुमो रेस्लरलाई घुमाउन टोयोटाले ल्यायो कन्भर्टिबल एसयूभी

टोयोटाले सेन्चुरी एसयूभी कन्भर्टिबल सार्वजनिक गरेको छ । गत शनिबार टोक्योमा आयोजना गरिएको यो वर्षको फर्स्ट ग्रान्ड सुमो टुर्नामेन्ट उद्घाटनको समयमा सो कन्भर्टिबल पनि सार्वजनिक गरिएको हो ।

१५ दिन सम्म चल्ने सुमो टुर्नामेन्ट विजेतालाई यही एसयूभीमा घुमाउनका लागि परेड कारको रुपमा प्रयोग गरिने छ ।

गत वर्ष रोल्स रोस कुल्लिनानको प्रतिस्पर्र्धी मानिने सेन्चुरी एसयूभीको लन्चिङ समयमा टोयोटाले यस प्रकारको एसयूभी टिजर सार्वजनिक गरेको थियो । त्यसैको प्रोडक्सन भर्सन अहिले सार्वजनिक गरिएको हो ।

चार ढोके सो एसयूभी अवकाश प्राप्त ग्रान्ड सुमो च्याम्पियन हाकुहोको अनुरोधमा डिजाइन गरिएको हो । हाकुहोले आफ्नो २० वर्षे करियरमा ४५ टुर्नामेन्ट जितेको रेकर्ड छ ।

टोयोटा चेयरम्यान अकियो टोयोडा कन्भर्टिबल लन्च समारोहमा हाकुहोसँगै उभिएका थिए र च्याम्पियनहरुलाई परेडमा इन्जोय दिनका लागि यस प्रकारको कन्भर्टिबल बनाएको बताए । यद्यपि सो गाडी लक्जरियस समेत भएको उनको भनाइ थियो ।