शुरु भयो चिसो मौसम : बाइकलाई यसरी गरौ कोल्ड स्टार्ट (श्रीदुश इन्टरनेसनलको टिप्स)

चिसो मौसममा विहान बाइक स्टार्ट गर्न समस्या हुन्छ । रातको चिसो मौसममा इन्जिनलगायतका सबै पार्ट्स चिसो भएको अवस्थामा बाइक स्टार्ट गर्न धेरैले समस्या भोग्ने गरेको पाइन्छ ।

यसका लागि निश्चित टिप्स अपनाउन सकिन्छ । नेपाली बजारमा विभिन्न ब्रान्डका पार्ट्स उपलब्ध गराइरहेको श्रीदुश इन्टरनेसनलले यसका लागि स्टेप बाई स्टेप गाइड सामाजिक सञ्जाल फेसबुकमा सेयर गरेको छ ।

पहिलो विकल्पको रुपमा पेट्रोल नब खोलेर यसलाई ‘अन’ बाट ‘अफ’ वा ‘रिजर्भ’ मा राख्नु पर्छ । यसबाट मोटरमा इन्धनको प्रवाह गराउन सकिन्छ ।

अनि मोटरसाइकललाई केही हल्लाउने र अगाडि पछाडि गर्ने । लामो समय सम्म मोटरसाइकल त्यत्तिकै थन्किएको अवस्थामा तरल पदार्थ तल्लो भागमा जम्मा भएको हुन्छ । हल्लाउदा यसले गियरलाई लुब्रिकेट गर्छ ।

त्यसपछि बाइकलाई स्टार्ट गरी यसले निकाल्ने आवाजलाई मोनिटर गर्न सकिन्छ । बाइकले स्वाभाविक आवाज निकालेमा अब यसलाई केही वेर रहन दिनु पर्छ ।

अन्त्यमा बाइकको आइडल स्क्रुलाई १००० देखि १५०० आरपीएम सम्म राखेर केही मिनेट छोड्ने र तात्न दिने । त्यसपछि बाइक चलाएर निश्चित गन्तब्यमा लाग्न सकिन्छ ।