सिट्रोनले बसाल्ट एसयूभी लन्च गर्ने, नयाँ टिजर सार्वजनिक

सिट्रोनले आफ्नो ५औं कार बसाल्ट कुपे एसयूभी भारतमा लन्च गर्ने भएको छ । कम्पनीले सो एसयूभी अगस्ट २ मा सार्वजनिक गर्नेछ ।  बसाल्टको शीर्ष भेरिएन्टमा केहि विशेष हुनेछ। बसाल्ट सी३ एयरक्रस भन्दा माथि हुनेछ। त्यसैले यसमा धेरै नयाँ फिचर उपलब्ध हुनेछ ।

सिट्रोनले बसाल्टको टिजर पनि सार्वजनिक गरेको छ । टिजरमा पछाडिको झ्याल सञ्चालन गर्ने बटन ढोकामा राखिएको छ, जसले चालकका लागि बढी सुविधाजनक हुनेछ । सी एयरक्रसमा सो बटन ह्यान्डब्रेकको रियर र फ्रन्ट सेन्टर कन्सोलमा अवस्थित छ ।

लन्चको समयमा बसाल्टमा सनरुफ समावेश हुने छैन ।  यद्यपि भविष्यमा यसको सम्भावना बढी छ । सिट्रोन बसाल्टको टप भेरिएन्टमा इलेक्ट्रिकली एडजस्टेबल र रिट्रेक्टेबल ओआरभीएम समावेश छ । सी३ एयरक्रसमा ओआरभीएम म्यानुअल रूपमा सञ्चालन गर्नुपर्छ ।

सिट्रोन बसाल्टमा १.२ लिटर टर्बो पेट्रोल इन्जिनको मात्र विकल्प हुनेछ, जसले ११० एचपीको पावर र २०५ एनएम टर्क जेनेरेट गर्छ । ट्रान्समिसन विकल्पमा ६ स्पिड म्यानुअल र ६ स्पिड टर्क कन्भर्टर अटोमेटिक समावेश छ ।

सिट्रोन बसाल्टको मूल्य करिब ११ लाखदेखि १२ लाख भारुसम्म हुने अनुमान गरिएको छ  । टाटा कर्भ बाहेक बसाल्ट कुपे एसयूभीले हुन्डाई क्रेटा, किया सेल्टोस, मारुती ग्रान्ड भिटारा, टोयोटा हाइराइडर, होन्डा एलिभेट, स्कोडा कुशाक र फक्सवागन टाइगुन लगायत अन्य कम्प्याक्ट एसयूभीसँग प्रतिस्पर्धा गर्नेछ ।