अटो एक्स्पो २०२३ मा सिट्रोनको इलेक्ट्रिक कार लन्च हुने

अटो एक्स्पो २०२३ मा सिट्रोनको ईसी३ इलेक्ट्रिक कार लन्च हुने भएको छ । सो कार नयाँ कमन मोड्युलर प्लेटफर्ममा तयार पारिएको अनुमान गरिएको छ । कम्पनीले यसको टिजर पनि जारी गरिसकेको छ । सो कारले टाटा टियागो ईभीसँग प्रतिस्पर्धा गर्नेछ ।

यो भन्दा पहिले सिट्रोन ईसी३ इलेक्ट्रिक कार परीक्षणको समयमा देखिएको थियो । परीक्षणको समयमा सो कार पुरै कभर गरिएको थियो । यद्यपि कारको फ्रन्ट बोनटमा चार्जिङ पोर्ट देखिएको थियो । रिपोर्टका अनुसार सिट्रोन ईसी३ कार इलेक्ट्रिक भर्सन ई–सीएमपीमा डिजाइन गरिएको छ ।

सो इलेक्ट्रिक कार सिट्रोनको पहिले देखि उपलब्ध आईसीई कारको प्यारेलल हुने सम्भावना रहेको छ । यसमा इलेक्ट्रिफाइङको लागि ग्रीन एक्सेन्ट र फ्रन्ट फेन्डरमा चार्जिङ पोर्ट पनि हुनेछ ।

सिट्रोन ईसी३मा वायरलेस एन्ड्रोयड अटो र एप्पल कारप्ले, डिजिटल इन्स्ट्रयुमेन्ट क्लस्टरको साथमा १० इन्च इन्फाटेन्टमेन्ट सिस्टम, अटोमेटिक एसी, रियर वाइपर र वाशर, इलेक्ट्रिक ओआरभीएम, रियर डिफगर, मल्टिपल ड्राइभ मोड र क्रुज कन्ट्रोल जस्ता फिचर हुनेछ ।

हालसम्म कम्पनीले सो इलेक्ट्रिक कारको ब्याट्री र रेन्जको बारेमा आधिकारिक जानकारी दिएको छैन । तर, अनुमानित रिपोर्ट अनुसार यसमा ५० केडब्ल्युको ब्याट्री जडान गर्न सक्ने सम्भावना छ । जसले १३५ बीएचपीको पावर र २६० एनएमको टर्क जेनेरेट गर्छ ।

यसको ब्याट्री डब्ल्युएलटीपी सर्टिफाइड रेन्ज ३५० किलोमिटर छ । सो कारको मूल्य १० लाख देखि १५ लाख भारु हुने अनुमान छ ।