नक्सालमा चेतकको स्टेट–अफ–द–आर्ट एक्सपेरियन्स जोन, एकै छानामुनि यस्तो सुबिधा

काठमाडौं–बजाज चेतकले नक्सालमा नयाँ स्टेट–अफ–द–आर्ट एक्सपेरियन्स जोन सञ्चालनमा ल्याएको छ । बजाजको नेपालका लागि आधिकारिक वितरक हंसराज हुलास चन्द एण्ड कम्पनीले सो नयाँ शोरुम सञ्चालनमा ल्याएको हो ।

१ हजार ८०० वर्ग फुटमा फैलिएको यो–स्टेट–अफ–द–आर्ट एक्सपेरियन्स जोन एकै छानामुनि समग्र ईभी अनुभव प्रदान गर्नेगरी तयार गरिएको छ, जहाँ शोरूममै टेस्ट राइड र तुरुन्तै बुकिङ सुविधा, विशेष सर्भिस सेन्टर अन्तरक्रियात्मक उत्पादन प्रदर्शन, ईभी विशेषज्ञसँग परामर्श, लाइभ चार्जिङ डेमो, लाइफस्टाइलबाट प्रेरित मिनिमलिस्ट डिजाइन, वातावरण अनुकूल लाइटिङ र डिजिटल इन्टरफेस लगायत सुबिधा उपलब्ध हुनेछ ।

कम्पनिका अनुसार, यस एक्सपेरियन्स जोनले चेतक ब्रान्डको नवप्रवर्तन मात्र नभई सोही स्थानमै सुलभ रूपमा उपलब्ध सर्भिस सेन्टरमार्फत बिक्री पछिको सेवा समेत सुनिश्चित गर्दछ । चेतक ब्रान्डको प्रिमियमनेस लाईभ झल्काउने गरी तयार पारिएको उक्त जोनले नेपालमा मोबिलटीको परिभाषा नै परिवर्तन गर्न सक्ने कम्पनीको भनाई छ ।

एक्सपेरियन्स जोनको उद्घाटन समारोहमा गोल्छा ग्रुपका निर्देशक अभिमन्यु गोल्छाले भने, ‘योे विशेष शोरूम हाम्रो ग्राहकहरूको लागि विद्युतीय सवारी साधनलाई सुलभ, सहज र प्रभावकारी बनाउन गरिएको प्रतितबद्धताको प्रतिविम्ब हो । हामी चाहन्छौं, यहाँ आउनुहुने हरेक व्यक्तिले चेतक ईभीको समय सापेक्ष डिजाइन, भरपर्दो प्रदर्शन र दिगो भविष्य प्रतिको वाचा महसुस गर्न सकुन् ।’

नेपालमा हालै लन्च भएको चेतक स्कुटरमा ३५ किलोवाट आवरको ब्याट्री रहेको छ, जसले सिंगल चार्जमा १५३ किलोमिटरको रेन्ज दिन्छ । यसबाट नेपालका सहरी तथा सहरोन्मुख सबै स्थानका लागि यो स्कुटर उपयुक्त हुने कम्पनीको भनाइ छ । त्यसैगरी यसलाई फास्ट चार्जिङ टेक्नोलोजीमार्फत शून्य देखि ८० प्रतिशत सम्म ३ घण्टामै चार्ज गर्न सकिन्छ ।

बजाज चेतक ३५०१ इलेक्ट्रिक स्कुटरमा भएको फुल–मेटल बडी र आईपी ६७ रेटेड वाटर रेजिस्टेन्सका कारण नेपालको विविध मौसमका लागि उपयुक्त छ । यसमा भएको अल–न्यु फ्लोरबोर्ड ब्याट्री डिजाइनका कारण यो सेगमेन्टमै सबैभन्दा ठूलो ३५ लिटरको अन्डर सिट स्टोरेज यसमा रहेको छ । यसका कारण स्पेस र कम्फर्ट दुवै दृष्टिकोणले सहज भएको छ ।

यसमा उपलब्ध हुने विभिन्न टेकप्याकलाई प्रयोग गरेर इन्टेलिजेन्ट फिचर अनलक गर्न सकिन्छ । यसमा इन्टिग्रेटेड नेभिगेसन, म्युजिक कन्ट्रोल, डकुमेन्ट स्टोरेज र कल ह्यान्डलिङ सहितको स्मार्ट टीएफटी टचस्क्रिन कन्सोल रहेको छ ।

त्यसैगरी रिमोट इम्मोबिलाइजेसन, गाइड–मी–होम लाइट्स, जिओ–फेन्सिङ, एन्टी–थेफ्ट प्रोटेक्सन र एक्सिडेन्ट डिटेक्सन लगायतका एड्भान्स्ड सेफ्टी टेक्नोलोजीको प्रयोग गर्न सकिन्छ ।