चेरी गाडी देखियो नेपाली सडकमा

काठमाडौेंको सडकमा पहिलो पटक चिनियाँ ब्रान्ड चेरीको गाडी देखिएको छ । नेपालमा शारदा ग्रुप अन्तर्गतको एसपीजी अटोमोबाइल्सले चेरी ब्रान्डको गाडी भित्र्याउने घोषणा पहिले नै गरेको भए पनि औपचारिक रुपमा गाडी उपलब्ध भएको घोषणा भने गर्न बाकी छ ।

चेरी टिग्गो ४ प्रो एसयूभी नेपाली सडकमा देखिएको हो । कम्पनीले सो गाडी नेपाली सडकमा परीक्षण गरिरहेको अनुमान गरिएको छ ।

१.५ लिटर इन्जिनयुक्त सो एसयूभी दसैं पश्चात औपचारिक रुपमा नेपाली बजारमा लन्च हुने अनुमान गरिएको छ । यस अघि एसपीजी अटोमाबाइल्सले दसै सम्ममा चेरी बान्डका गाडी नेपाली बजारमा उपलब्ध गराउने बताएको थियोे । यो गाडीको विशेषता र मूल्यका वारेमा कम्पनीले आधिकारिक रुपमा जानकारी दिए पछि मात्र सबै कुरा थाहा हुनेछ ।

एसपीजी अटोमोबाइल्स शारदा ग्रुप अन्तर्गतको कम्पनी हो । शारदा ग्रुप अन्तर्गतको पायोनियर मोटोकर्पले नेपाली बजारमा निसान र ड्याटसन गाडी समेत बिक्री–वितरण गरिरहेको छ ।