७२० किलोमिटर रेन्ज दिने चेरीको नयाँ इलेक्ट्रिक सेडान सार्वजनिक

चिनीयाँ अटो निर्माता चेरीले नयाँ इलेक्ट्रिक कार ‘एक्सिड स्टेरा’ सार्वजनिक गरेको छ । ४ वटा पावरट्रेनको अप्सन दिइएको सो नयाँ कारले एकपटकको सिंगल चार्जमा ७२० किलोमिटरसम्म रेन्ज दिने दावी गरिएको छ । एक्सिड स्टेरालाई कम्पनीले यसै वर्षको अन्तिमतिर औपचारिक लन्च गर्ने योजना बनाएको छ ।

सो नयाँ कारमा चेरीले सिएटिएलको लिथियम आइरन म्याग्नेसिस फस्फेट ब्याट्री सहित २३० किलोवाट मोटर, बीवाइडीको ब्लेड व्याट्री सहित १८५ किलोवाट मोटर, सिएटिएलकै लिथियम आइरन फस्फेट ब्याट्री सहित २३० किलोवाट मोटर र सिएटिएलको ब्याट्री सहित डुअल मोटर अप्सन दिएको जनाइएको छ ।

चेरीको सो नयाँ इलेक्ट्रिक कार टु–ह्विल र फोर–ह्विल ड्राइभ अप्सनमा उपलब्ध हुनेछ । यसले ८०० भोल्टको हाई भोल्टेज फास्ट चार्जिङ प्लेटफर्म सपोर्ट गर्नसक्ने कम्पनीको भनाई छ । कारलाई ५ मिनेट चार्ज गर्दा १५० किलोमिटर गुडाउन सकिन्छ ।

यसको इन्टेरियरमा १६ इन्चको फ्लोटिङ सेन्ट्रल कन्ट्रोल स्क्रिन, १२.३ इन्चको फुल एलसिडी इन्सट्रयुमेन्ट प्यानल, टु स्पोक लेदर ¥याप्ड स्टेरिङ ह्विल, हुवाएबाट लिइएको अपरेटिङ सिस्टम, डिजिटल हेड अप डिस्प्ले र वोसको अडियो सिस्टम लगायत फिचर दिइएको छ । साथै यसमो चेरी आफैले विकास गरेको लायन एआई सिस्टम समेत पाउन सकिनेछ ।