चेरीको इलेक्ट्रिक कारमा सीएटीएलको सोडीयम–आयोन व्याट्री हुने

चीनीयाँ अटो निर्माता चेरीले आफ्नो इलेक्ट्रिक कारमा सीएटीएलको सोडीयम–आयोन ब्याट्री राख्ने भएको छ । सोडीयम–आयोन ब्याट्रीलाई ठूलो परिणाममा उत्पादन थालेको सीएटीएलले चेरीको इलेक्ट्रिक कारमा पहिलो पटक यो व्याट्री प्रयोग हुन लागेको वताएको हो ।

१६०डव्लूएच/कीलोग्राम इनर्जी डेन्सिटी भएको सो व्याट्रीलाई सीएटीएलले २ वर्ष अघि नै लन्च गरेको थियो । एलएफपी व्याट्रीको तुलनमा कम इनर्जी डेन्सिटी भएपनि यो व्याट्री मूल्यका हिसावले सस्तो पर्छ । साथै यो सुरक्षीत हुनुको साथै यसले कम तापमानमा पनि राम्रो पर्फमेन्स दिनसक्ने जनाइएको छ ।

सोडीयम आयोन व्याट्रीको प्रयोग वढ्ने आँकलन गर्दै सीएटीएलले २०० डव्लूएच/कीलोग्राम इनर्जी डेन्सिटी भएको नेक्स्ट जेनेरेशनलाई समेत यसै वर्षदेखी उत्पादन थाल्ने भएको छ । यस प्रकारको व्याट्रीको प्रयोग इनर्जी स्टोरेज र इलेक्ट्रिक टु ह्विलरमा हुने अनुमान गर्दै कम्पनीले सोडीयम आयोन व्याट्रीको उत्पादन थालेपनि पछिल्लो समय कारमा समेत प्रयोग हुन थालेपछि यसको उत्पादनलाई तिव्रता दिने योजना वनाएको छ ।

सीएटीएलसंगै अहिले वीवाइडी र फक्सवागनले पनि यसप्रकारको ब्याट्री उत्पादनमा चासो व्यक्त गरेका छन् । सीएटीएल अहिले ब्याट्री बजारमा ३७ प्रतिशत बजार हिस्सा सहित विश्वकै ठूलो निर्माता वनेको छ । उसलाई एलजी र वीवाइडीले पछ्याइरहेको छ ।