हार्ले डेभिडसनले ल्यायो सबैभन्दा सस्तो बाइक

हार्ले डेभिडसनले ३५० सीसी सेगमेन्टमा अहिलेसम्मकै सस्तो बाइक एक्स ३५० लन्च गरेको छ । सो बाइक कम्पनीको स्पोर्टस्टर एक्सआर१२००एक्स जस्तै देखिन्छ । नयाँ बाइकमा सर्कुलर मोनोपोड इन्स्ट्रयुमेन्ट क्लस्टर जस्ता डिजाइन इलिमेन्ट रहेको छ साथै टियर ड्रप आकारको इन्धन ट्यांकी पनि दिइएको छ ।

कम्पनीले सो बाइकमा एलईडी हेडल्याम्प र टेललाइट जडान गरेको छ । यसको फ्रन्टमा अपसाइड डाउन फोर्क र रियरमा मोनोशक दिइएको छ । यसको ब्रेकमा ४ पिस्टन क्यालिपरसहितको सिंगल डिस्क फ्रन्ट र सिंगल पिस्टन क्यालिपरको साथमा सिंगल डिस्क समावेश छ । यसको तौल १८० किलोग्राम छ ।

एक्स ३५० मा २५२ सीसीको प्यारालल ट्विन इन्जिन जडान गरिएको छ । सो इन्जिनले ३६.२ बीएचपी पावर र ३१ एनएमको टर्क जेनेरेट गर्छ । यसको इन्जिन ६ स्पिड गियरबक्ससँग जोडिएको छ ।

कम्पनीले सो बाइक हाल चीनमा लन्च गरेको छ । यसको मूल्य ३३ हजार युआन रहेको छ । हार्ले डेभिडसनले चिनियाँ कम्पनी क्युजे मोटर्ससँगको सहकार्यमा नयाँ मोटरसाइकल विकास गरेको छ । क्युजे मोटर्स बेनेलीको स्वामित्वमा रहेको कम्पनी हो ।