विद्युतीय सवारीको प्रवद्र्धन गर्न नुवाकोटको बट्टारमा दुई वटा चार्जिङ स्टेशन निर्माण

काठमाडौँ । पछिल्लो सयम आम नागरिकमा विद्युतीय सवारी साधनको मोह बढ्दै गएको छ । आर्थिक वर्ष २०७९ ८० मा मात्रा ४ हजार ५ वटा विद्युतीय सवारी साधनको आयात भएको तंथ्याकले देखाएको छ ।

त्योसँगै नुवाकोट जिल्लाको बट्टारमा दुई वटा विद्युतीय गाडी चार्जिङ स्टेशन निर्माण गरिएको छ। विदुर नगरपालिका वडा ४ बट्टार बसपार्क र हावाघरमा विद्युतीय सवारी साधनका लागि चार्जिङ स्टेसन निर्माण गरिएको हो।

विदुर नगरपालिकाले जग्गा उपलब्ध गराएपछि बट्टारको वसपार्क र हावाघरमा चार्जिङ स्टेसन निर्माण गरिएको हो। नगरपालिकाले उपलब्ध गराएको बसपार्कको जग्गामा बागमती प्रदेश सरकारले चार्जिङ स्टेसन निर्माण गरेको हो।

बट्टार बसपार्कमा निर्माण गरिएको चार्जिङ स्टेसन जीबीटी हो भने हावाघरमा निर्माण गरिएको चार्जिङ स्टेसन सीएसएस हो। वसपार्कमा निर्माण गरिएको चार्जिङ स्टेसनमा वस तथा सार्वजनिक यातायातका लागि बनाइएको हो।