सिजी मोटर्सले अव नेपालमै सिएटिल ब्याट्रीको सर्भिस सेन्टर र ल्याब स्थापना गर्ने

काठमाडौँ– सिजी मोर्टसले नेपालमा संसारकै ठुलो ईभी ब्याट्री निर्माता कम्पनी सिएटिएलको ब्याट्री ल्याब र सर्भिस सेन्टर स्थापना गर्ने भएको छ । नेपालमा बढ्दो ईभि गाडीहरू तथा ग्राहकमाझ ब्याट्रीलाई लिएर देखिएको दुबिधालाई अन्त्य गर्न कम्पनीले ब्याट्रीको सुविधासम्पन्न सर्भिस सेन्टर तथा ल्याब स्थापना गर्न लागेको हो ।

ब्याट्री सर्भिस सेन्टर २०२४ सेप्टेम्बरबाट सुरु हुने कम्पनीले जनाएको छ । ब्याट्री सर्भिस सेन्टर तथा ल्याबको लागि छुटै सर्भिस हबबाट सेवा उपलब्ध गराउने लक्ष्य लिएको सिजीले दक्ष र सिएटिएलको प्राविधिक ट्रेनिङ लिएर सेवा उपलब्ध गराउने जनाएको छ ।

विश्व बजारमा ३७ प्रतिशत बजार ओगटेको सिएटिल ब्याट्रीको नेपालमा बजार हिस्सा दुई तिहाई रहेको सिजी मोटर्सको भनाई छ । सिजी मोटर्सले स्थापना गर्न लागेको सर्भिस सेन्टरमा आफ्नो ब्रान्ड प्रयोग गर्ने ग्राहक बाहेक नेपालमा सिएटिएलको ब्याट्री जडित अन्य ब्रान्डका ग्राहकले पनि सेवा लिनसक्ने जनाएको छ ।

छिटो सर्भिस प्रधान गरिने तथा सुलभ मूल्यमा सबै ब्रान्डका ग्राहकहरुले सेवा लिनसक्ने हुनाले सिएटिएल ब्याट्री नेपालमा अझै लोकप्रिय हुने कम्पनीले बिश्वास लिएको छ ।