सिजी मोटर्सको तीन नयाँ स्थानमा शोरुम विस्तार

काठमाडौं– नेटा भी लगायत विभिन्न ब्रान्डका इलेक्ट्रिक भेइकल आयत गरी बिक्री गर्दै आएको सिजी मोटर्सले देशका तीन नयाँ स्थानमा शोरुम विस्तार गरेको छ । कम्पनीले नेटा भी, सिजि केवाइसी भ्यान, तथा किङ्लोङ भ्यानको बिक्रीवितरण गर्न नयाँ स्थनमा शोरुम विस्तार गरेको हो ।

बिर्तामोडमा फोटेक्स डिस्ट्रिब्यूटर, वीरगन्जमा मिनोल्टा इन्भेष्टमेन्ट तथा धनगढिमा ब्रम्हा मोटर्सले डिलरशिप पाएर शोरुम सन्चालनमा ल्याएका हुन् । शोरुमका साथै ग्राहकको सुविधाका लागि तीनैवटा स्थानहरुमा सर्भिस स्टेशन पनि छिटै नै सन्चालनमा ल्याउन लागिएको कम्पनीले जनाएको छ । सिजि मोटर्सले बिक्रि गर्ने नेटा भी हाल इभी पारखीहरुमाझ लोकप्रिय रहेको छ ।

साथै नेपालको सर्वाधिक बिक्रीहुने इलेक्ट्रिक भ्यान सिजि केवाइसी तथा किङ्लोङ शहज तथा सुलभ किस्तामा पाउन सकिने कम्पनीले जनाएको छ । कम्पनीले यसअघि काठमाडौंको नक्साल र पोखरा मा आफ्नो शोरुम खोलेर बिक्री बितरण गर्दै आइरहेको छ ।

कम्पनीले चाँडै नै बिराटनगर, लाहान, हेटौंडा, भक्तपुर, चितवन, बुटवल, कोहलपुरमा बिस्तारित नयाँ शोरुम सहित सर्भिसको सुबिधा उपलब्ध गराउने जानकारी दिएको छ ।