स्पोर्ट र एड्भेन्चर मोटरसाइकलका लागी सिएटले ल्यायो नयाँ टायर

भारतको चर्चित टायर ब्राण्ड सिएटले स्पोर्ट र एड्भेन्चर मोटरसाइकलका लागी छुट्टै नयाँ टायर लन्च गरेको छ । कम्पनीले स्पोर्ट मोटरसाइकलका लागि स्पोर्टराड र एड्भेन्चरका लागि क्रसराड भेरिएन्टमा नयाँ टायर लन्च गरेको हो । क्रसराडलाई एड्भेन्चरको साथै कम्यूटर सेग्मेन्टमा पनि प्रयोग गर्न मिल्ने जनाइएको छ ।

स्टील बेल्टयुक्त यी रेडियल टायर बलियो, टिकाउ र उच्च गुणस्तरयुक्त रहेको कम्पनीको भनाई छ । स्पोर्टराड ११०/७० आर१७ तथा १५०/६० आर१७ र क्रसराड तथा १४०/६० आर१७ साइजमा उपलब्ध रहेको छ । यी नयाँ टायरले ओईएमको साथै आफ्टर मार्केटको बढ्दो मागलाई सम्बोधन गर्ने विश्वास कम्पनीले लिएको छ । स्पोर्टराडको एक सेटलाई १२ हजार ५०० र क्रसराडको सेटलाई ४ हजार ३०० भारु निर्धारण गरिएको छ ।

टु–ह्विलर टायरमा सिएटले एमआरएफ, एपोलो र टीभीएसजस्ता ब्रान्डसंग कडा प्रतिस्पर्धा गरिरहेको छ । भारतमा उत्पादन हुने मोटरसाइकल र स्कुटरमा यी चारवटै ब्राण्डका टायर ओइएम(फ्याक्ट्रिबाटै फिट) मा सर्बाधिक प्रयोग हुँदै आएका छन् । पछिल्लो समय भारतमा उच्च सिसीको स्पोर्ट र एड्भेन्चर मोटरसाइकलको बजार बृद्धी हुन थालेपछि एमआरएफ, एपोलो र टीभीएसले यो सेग्मेन्टलाई लक्षित गरी नयाँ टायर लन्च गरेका थिए ।

सिएट नेपाली बजारमा समेत उपलब्ध रहँदै आएको छ । नेपाली बजारमा यसको टु–ह्विलरदेखी प्यासेन्जर कार, कमर्सियल र ओटीआर सेग्मेन्टका टायर उपलब्ध छन् । नेपालमा यो टायरलाई एसटीसी अटो प्रालिले आयत गरी बिक्री गर्दै आएको हो । नेपालमा यसको कमर्सियल र टु–ह्विलर टायर बढी लोकप्रिय मानिन्छन् ।