सवारी साधनबाट कालो धुवाँ निस्क्यो ? यस्तो हुन सक्छ कारण

तपाईले चलाइरहेको सवारी साधनबाट कुनै समयमा कालो धुवाँ निस्कन सक्छ । यो अवस्थामा वातावरण प्रदूषण गराउनुका साथै सवारी साधन आफैमा पनि समस्याका कारण चलाउन असहज हुन्छ । त्यसैले यसको समाधान गरिहाल्नु आवश्यक हुन्छ ।

यसरी कालो धुवाँ निस्कनुका विभिन्न कारण हुन सक्छन् । ती मध्ये कालो धुवाँको सम्भावित कारणहरू यस प्रकार हुन सक्छन् ।

१. धेरै एयर–फ्युल मिश्रण – सवारी साधन चलाउदा हावा र इन्धनको मिश्रण हुनु आवश्यक हुन्छ । एयर र फ्युल अर्थात हावा र इन्धनको मिश्रण हुँदा इन्धन धेरै भयो भने कालो धुवाँ उत्पादन गर्न सक्छ ।

२. क्लग्ड एयर फिल्टर – फोहोर र टम्म भरिएको एयर फिल्टर एयर फिल्टरले हावाको प्रवाहलाई प्रतिबन्धित गर्दछ, जसले इन्धन र हावाको अनुपातमा असन्तुलन ल्याउँछ र सम्भावित रूपमा कालो धुवाँ निकाल्न सक्छ ।

३. खराब फ्युल इन्जेक्टर – बिग्रिएका वा खराब भएका फ्युल इन्जेक्टरहरुले कम्बसन च्याम्बरमा प्रशस्त मात्रामा इन्धन पु¥याउछन् । यसले गर्दा पनि कालो धुवाँ निस्कन्छ ।

४. फ्युल प्रेसर रेगुलेटरमा समस्या – फ्युल प्रेसर रेगुलेटर बिग्रिएको अवस्थामा उच्च मात्रामा फ्युल प्रेसर उपलब्ध गराउछ र यसले गर्दा पनि कालो धुवाँ निस्कन्छ ।

५. इन्जिन टाइमिङमा समस्या – गलत इग्निसन टाइमिङले कम्बसन प्रक्रियालाई बाधा पुर्याउन सक्छ र कालो धुवाँको उत्पादन गर्न सक्छ ।

६. एक्जस्ट सिस्टममा समस्या – विभिन्न कारणले एक्जस्ट सिस्टममा ब्लकेज भएको कारण पनि कालो धुवाँ निस्कन सक्छ ।

यी विभिन्न कारणले समस्या निम्तिएको हुन सक्छ । यो अवस्थामा आफैले एयर फिल्टर, फ्युल इन्जेक्टर आदि चेक गर्ने तथा फ्युल प्रेसर चेक गर्ने, इग्निसन टाइमिङ र एक्जस्ट सिस्टमको वारेमा पनि जानकारी लिदा राम्रो हुन्छ ।