सीएटीएलसंग मिलेर टोयाटाले इन्डोनेसियामा ब्याट्री उत्पादन गर्ने

टोयोटाले इन्डोनेसियामा ब्याट्री उत्पादन गर्न चीनको ब्याट्री जायन्ट सीएटीएलसँग साझेदारी गर्ने भएको छ । यी ब्याट्री टोयोटा हाइब्रिड लगायत अन्य ब्रान्डका विद्युतीय सवारीसाधनमा प्रयोग गरिने जनाइएको छ ।

साथै कम्पनीले २०२६ को सेकेन्ड हाफदेखी पूर्ण ब्याट्री प्याक र ब्याट्री कम्पोनेन्टहरू निर्याता गर्ने योजना बनाएको छ । यस परियोजनाका लागि दुबै कम्पनीले संयुक्त रुपमा ७५.८ मिलियन अमेरिकी डलर लगानी गर्नेछन् ।

सीएटीएलले सन् २०२५ देखी नै इन्डोनेसिया ब्याट्री परियोजना अघि बढाएको थियो । उक्त परियोजनाले वर्षमा १५ गिगावाट आवर ब्याट्री उत्पादन गर्ने अपेक्षा गरिएको छ ।

सीएटीएल विश्वको सबैभन्दा ठूलो ईभी ब्याट्री निर्माता हो । चाइना अटोमोटिभ ब्याट्री इनोभेसन एलायन्सको तथ्याङ्क अनुसार, चीनमा, यसले २०२६ को पहिलो त्रैमासिकमा बजारको लगभग आधा हिस्सा ओगटेको छ ।