बिद्युतिय विमान तयार पार्दै सिएटिएल, रेन्ज ३ हजार किलोमिटर सम्म

विश्वको सबैभन्दा ठूलो ईभी ब्याट्री निर्माता सिएटिएलले उच्च–घनत्व ब्याट्रीद्धारा संचालित ४ टनको बिद्युतिय विमानको सफल परीक्षण गरेको छ । कम्पनीले अब ठुलो ८ टन सिभिल विमान बनाउने काम गरिरहेको र यो २०२८ मा सार्वजनिक हुने अपेक्षा गरिएको छ ।

नयाँ ८ टनको विमानले ३ हजार किलोमिटरसम्म रेन्ज प्रदान गर्ने बताइएको छ । यसले ब्रान्डको नयाँ कन्डेन्स्ड ब्याट्रीलाई एक सेलमा ५०० वाट आवर प्रति किलोग्राम ऊर्जा घनत्वको साथ प्रयोग गर्नेछ । सिएटिएलका अनुसार यस नयाँ विमानले एक ब्रान्ड–न्यु विद्युतीकरण परिदृश्य खोल्ने विश्वास लिइएको छ ।

बिद्युतिय विमानको विकासका लागि सिएटिएलले कमर्शियल एयरक्राफ्ट कर्पोरेशन अफ चाइनासँग साझेदारी गरेको छ । कम्पनीले नागरिक विमान र कम्पोनेन्टहरू विकास गर्न गत वर्ष आफ्नो उड्डयन विभाग स्थापना गरेको थियो ।

सिएटिएलले हाल ३७ प्रतिशत बजार हिस्सा सहित ईभी ब्याट्री बजारमा प्रभुत्व जमाउँदै आएको छ । उसको प्रतिस्पर्धी बीवाईडीको बजार हिस्सा १५.४ प्रतिशत छ ।