ब्याट्री बजारमा सीएटीएलको हिस्सा ४७ प्रतिशत, अन्यको अवस्था के ?

चीनको पावर ब्याट्री उद्योगले स्थिर र अत्यधिक प्रतिस्पर्धात्मक परिदृश्य कायम राखेको छ । अप्रिल २०२६ का लागि केरुईले जारी गरेको पछिल्लो तथ्याङ्क अनुसार, सीएटीएलले ४७.० प्रतिशत बजार हिस्सा प्राप्त गरेर बजारको नेतृत्वलाई जारी राखेको छ ।

बीवाईडीको फिनड्रिम्सले १८.३ प्रतिशत बजार पाउँदा तेस्रो स्थानमा रहेको सीएएलबीले ८.५ प्रतिशत बजार हिस्सा पाएको छ । त्यसैगरी, चौथो स्थानमा रहन सफल गोसनले ६.१ प्रतिशत हिस्सा ओगट्दा पाँचौ स्थनमा रहेको ईभीईले ४.२ प्रतिशत बजार पाएका छन् ।

३.१ प्रतिशत बजार हिस्सासहित रेप्ट ब्याटिरो छैठौं स्थानमा रहेको छ भने सातौ स्थानमा रहेको जेडइनर्जीले २.७ प्रतिशत हिस्सा पाएका छन् । आठौं, नवौं र दशौं स्थानमा रहेको एसभोल्ट, सनवाडा र ईनर्जीले क्रमशः २.६, २.२ र १.५ प्रतिशत बजार हिस्सा ओगटेका छन् ।

सीएटीएलले अप्रिलमा २८ हजार ६९४ मेगावाट आवर क्षमता बरावरको ब्याट्री उत्पादन गरे रेकर्ड कायम गरेको छ, जुन गत वर्षको सोही अवधीको तुलनामा ३०.२ प्रतिशतले बढि हो । सीएटीएलले हाल जिली, चांगन, साओमी, एलआई अटो र निओ जस्ता ईभी उत्पादकलाई ब्याट्री आपूर्ती गर्दै आएको छ । सीएटीएलको सबैभन्दा ठूलो खरिदकर्ता जिली रहेको छ ।

त्यसैगरी, बीवाईडी ब्याट्रीको सबैभन्दा ठूलो खरिदकर्ता साओमी रहेको छ भने दोस्रोमा आफ्नै ब्रान्ड फाङ चेङ वाओ रहेको छ । बीवाईडी ब्याट्रीको ठूला खरिदकर्तामा साओमी, एक्सपेङ र डेन्जा लागयत ब्रान्ड सामेल छन् ।