१० हजार चार्जिङ साइकलको नयाँ सल्फाइड सोलिड–स्टेट ब्याट्री ल्याउँदै बीवाईडी

बीवाईडीले आफ्नो सल्फाइड सोलिड–स्टेट ब्याट्रीमा प्राविधिक प्रगति हासिल गरेको बताएको छ । कम्पनीले साइकल लाइफ र द्रुत–चार्जिङ कार्यसम्पादनमा सुधारको रिपोर्ट जारी गरेको हो ।

कम्पनीको लगानीकर्ता सम्बन्ध विभागले सल्फाइड इलेक्ट्रोलाइट्सलाई प्रमुख फोकसको रूपमा हाइलाइट गर्दै, सोलिड–स्टेट प्रविधिमा धेरै विकास मार्गहरू पुष्टि गरेको छ ।

सल्फाइड सोलिड–स्टेट ब्याट्रीहरूको अतिरिक्त बीवाईडीले आफ्नो तेस्रो–पुस्ताको सोडियम–आयन प्लेटफर्मलाई समेत अगाडि बढाइरहेको छ । यो प्रविधिले १० हजार चार्ज साइकलसम्म सपोर्ट गर्ने दाबी गरिएको छ ।

कम्पनीले २०२७ को आसपासमा पूर्ण सोलिड–स्टेट ब्याट्री सहितको केही मोडल लन्च गर्ने तयारी गरेको छ भने २०३० पछि यस प्रबिधीलाई ठूलो मात्रामा अपनाउने योजना बनाएको छ ।

सल्फाइड सोलिड–स्टेट ब्याट्रीहरूमा बीवईडीको सफलताले ऊर्जा घनत्व, स्थायित्व र छिटो चार्ज क्षमतामा मापनयोग्य प्रगति हासिल गर्ने अपेक्षा गरिएको छ ।