रोल्स रोयसलाई टक्कर दिँदै बीवाईडी, फ्यान्टम र कुलिननका प्रतिस्पर्धी मोडलको परीक्षण सुरु

बीवाईडीको विलासी ब्रान्ड याङवाङले विश्वचर्चित लक्जरी कार ब्रान्ड रोल्स रोयससँग प्रतिस्पर्धा गर्ने गरी दुई नयाँ फ्ल्यागसिप मोडलहरू तयार पारिरहेको छ । चीनमा सडक परीक्षणका क्रममा देखिएका यी नयाँ मोडलहरू रोल्स रोयसको प्रसिद्ध सेडान ‘फ्यान्टम’ र एसयूभी ‘कुलिनन’ सँग मिल्दाजुल्दा रहेका छन् ।

परीक्षणका क्रममा देखिएको नयाँ सेडान कारको बाहिरी बनावट र ह्विलबेस निकै लामो छ, जसमा रोल्स रोयसमा जस्तै ‘कोच डोर्स’ (सुसाइड डोर्स) को प्रयोग गरिएको छ ।

यस कारमा मेबाकबाट प्रभावित ह्विलहरू र बीवाईडीको उन्नत डिसास–ए एयर सस्पेन्सन प्रणाली जडान गरिएको अनुमान गरिएको छ । गाडीभित्र धेरै ठाउँ उपलब्ध गराउन यसमा पिलररहित चेसिस डिजाइन र बलियो धातुको छत प्रयोग गरिएको छ ।

त्यसैगरी, याङवाङको नयाँ एसयूभी मोडललाई चीनको टुरपानमा अत्यधिक गर्मीमा परीक्षण गरिँदै गर्दा देखिएको हो । यो मोडल कम्पनीको अघिल्लो हार्डकोर अफ रोडर यू८ भन्दा फरक देखिएको छ भने सडकमा चलाउन बढी सहज हुने गरी डिजाइन गरिएको छ ।

एसयूभीको साइड प्रोफाइल रोल्स रोयस कुलिनन जस्तै देखिन्छ । यस एसयूभीको विन्डसिल्डमा लिडार सेन्सर राखिएको छ, जसले बीवाईडीको गड्स आई अर्थात् डी पाइलट ६००’ पालोटेड ड्राइभिङ प्रविधिलाई सहयोग पु-याउने बताइएको छ ।

यी दुवै फ्ल्यागसिप गाडीहरू बीवाईडीको लक्जरी लाइनअपको शीर्ष स्थानमा रहनेछन् । कम्पनीले यी मोडलहरूलाई प्लग–इन हाइब्रिड र पूर्ण विद्युतीय दुवै भेरियन्टमा बजारमा उतार्ने सम्भावना रहेको छ ।

अत्यन्तै प्रिमियम श्रेणीका भएकाले ठूलो संख्यामा बिक्री नभए तापनि यी गाडीहरूले चिनियाँ अटोमोबाइल क्षेत्रलाई विश्वव्यापी रूपमा थप उच्च स्थानमा पु-याउने विश्वास गरिएको छ