बीवाईडी सिलायन ०५ ईभी सार्बजनिक, यस्तो छ मूल्य र फिचर

काठमाडौं–बीवाईडीले आफ्नो नयाँ ईभी सिलयान ०५ लन्च गरेको छ । निकै नै आकर्षक मूल्यमा लन्च गरिएको सो नयाँ ईभीको सुरुवाती मूल्य चिनमा १६ हजार २४० डलर निर्धारण गरिएको छ ।

ई–प्लेटफर्म ३.० ईभो आर्किटेक्चरमा तयार पारिएको सिलायन ०५ एक कम्प्याक्ट क्रसओभर ईभी हो । जसको लम्वबाई ४५२० एमएम, चौडाई १८६० एमएम र उचाई १६३० एमएम तथा ह्विलवेश २७२० एमएम छ ।

ओसिएन एस्थेटिक डिजाइन ल्यांग्वेजमा तयारी परिएको सो नयाँ ईभी एकदमै आकर्षक र वल्कि डिजाइनका साथ आएको हो । कारको ड्यासबोर्डमा १२.८ इन्चको इन्फोटेन्मेन्ट स्क्रिन, ८.८ इन्चको एलसिडी इन्स्ट्रयुमेन्ट क्लस्टर र थ्री स्पोक स्टेरिङ ह्विल जडान गरिएको छ । साथै, यसको सेन्टर कन्सोलमा फिजिकल वटन ब्लक, वायरलेस चार्जिङ प्याड र कप होल्डर दिइएको छ ।

स्टोरेज वक्सलाई आफ्नो आवश्यकता अनुुसार चिसो तातो बनाउने मिल्ने फिचर राखिएको सिलायन ०५ मा ११० लिटर क्षमताको फ्रन्ट ट्रंक छ भने पछाडीको सिटलाई फोल्ड गरेर १४६० लिटरसम्मको स्टोरेज निकाल्न सकिन्छ । यस कारमा बीवाईडीले नयाँ र अत्याधुनिक ड्राइभिङ एसिस्टेन्स सिस्टम ‘गड्स आई’ सी फिचर दिएको छ ।

पावरट्रेनेको कुरा गर्नुपर्दा यसमा ५० किलोवाट आवर र ६०.९ किलोवाट आवर ब्याट्री प्याकको अप्सन पाउन सकिन्छ । यी दुई भेरिएन्टमा क्रमशः १४० र १६० किलोवाट क्षमताको मोटर जडान गरेको छ । सिलयान ०५ ले ४३० र ५१० किलोमिटर रेन्ज दिने दाबी गरिएको छ ।