बीवाईडीको निर्यात पहिलोपटक १० लाख युनिट नाघ्यो, २०२५ मा बिक्री कती ?

काठमाडौं– चिनियाँ अटो जायन्ट बीवाईडीले २०२५ मा ४५ लाख ५० हजार ३६ युनिट कार विक्री गरेको छ । कम्पनीले २०२४ मा बिक्री गरेको ४२ लाख ५० हजार ३७० युनिटको तुलनमा ७.१ प्रतिशतले बढि कार बेचेको हो ।

२०२५ को बिक्रीमा ब्याट्री इलेक्ट्रिक भेइकलको को हिस्सा ४९.६ प्रतिशत रहेको बीवाईडीको भनाई छ, जबकि प्लग–ईन–हाइब्रिडको हिस्सा ५०.४ प्रतिशत छ ।

त्यसैगरी, कम्पनीको निर्यात पहिलोपटक १० लाख नाघेको छ, जुन २०२४ को तुलनामा १५०.७ प्रतिशतले बढि हो । २०२५ मा बीवाइडीले १० लाख ४६ हजार ८३ युनिट कार चीनबाहिर पठाएको छ ।

अघिल्लो वर्षको तुलनमा बिक्री बढेपनि पछिल्ला ४ महिनायता भने कम्पनीले आफ्ना न्यू ईनर्जी भेइकलको बिक्रीमा दबाव महशुस गर्नपरेको छ । डिसेम्बरमा ४ लाख १४ हजार ७८४ युनिट बिक्री गरेको कम्पनीले नोभेम्वरको तुलनामा १२.७ प्रतिशत कम कार बिक्री गरेको हो । जुन गत वर्षको सोहि अवधीको तुलनामा १८.६ प्रतिशतले कम हो ।