१० अर्व डलरको ब्रान्ड भ्यालु सहित वीवाइडी वन्यो चीनको सर्बाधिक मूल्यवान अटो ब्रान्ड

वीवाइडी यो वर्षका लागि चीनको सवैभन्दा मूल्यवान अटो ब्रान्ड वनेको छ । ग्लोबल ब्रान्ड भ्यालुएसन कन्सल्टेन्सी ब्रान्ड फाइनान्सले वीवाइडी चीनको सबैभन्दा मूल्यवान अटो ब्रान्ड बनेको जनाएको हो । यसको ब्रान्ड मूल्य ५७ प्रतिशतले वढेर १० अर्व डलर पुगेको छ । गत वर्ष वीवाइडीको ब्रान्ड मूल्य ६ अर्व ४० करोड डलर रहेको थियो ।

उसको विश्वव्यापी वरीयता भने १२ औं स्थानमा रहेको छ । पहिलो स्थानमा ६६.२ अर्व डलर सहित टेस्ला रहेको छ भने दोस्रो स्थानमा रहेको मर्सिडिज वेन्जको ब्रान्ड मूल्य ५८.८ अर्व डलर छ । गत वर्ष वरियतामा टोयोटा पहिलो, दोस्रोमा मर्सिडिज वेन्ज र तेस्रोमा टेस्ला रहेका थिए । यस वर्ष तेस्रोमा टोयोटा, चौथोमा वीएमडव्लू र पाँचौमा पोर्स परेका छन् ।

भारतबाट महिन्द्रा सर्बाधिक मूल्यवान अटो व्रान्ड वनेको छ भने उसलाई मारुती सुजुकी र बजाजले पछ्याइरहेको छ । विश्वव्यापी वरियातामा महिन्द्राको स्थान भने ३० स्थानमा रहेको छ । प्रत्येक वर्ष ब्रान्ड फाइनान्सले ५ हजार ठूला ब्रान्डहरूलाई परीक्षणको लागि राख्दै १०० भन्दा बढी रिपोर्टहरू प्रकाशित गर्दै आएको छ । यसले सबै क्षेत्रहरू र देशहरूमा ब्रान्डहरूको श्रेणी निर्धारण गर्दछ ।