चखन्डोल सामुदायिक वनलाई पुनर्स्थापना र पुनर्जीवित राख्न बीवाईडी नेपालको सहकार्य

बीवाईडीको नेपालका लागि आधिकारिक वितरक साइमेक्स इंकले विश्व जैविक विविधता दिवसको अवसरमा आफ्नो संस्थागत सामाजिक उत्तरदायित्व (सीएसआर) पहल अन्तर्गत Building Dreams & Forest अभियानको अनावरण गरेको छ । सो रणनीतिक अभियानले २०६२ सालमा अवैध बालुवा उत्खनन र वन फँडानीको सिकार भएको चखन्डोल सामुदायिक वनलाई पुनर्स्थापना र पुनर्जीवित गर्ने लक्ष्य राखिएको छ।

रिभोलुसन प्रोजेक्टसँगको सहकार्यमा साइमेक्सले नवीन मियावाकी प्रविधि प्रयोग गरी १५०० रूख रोप्ने कार्यको नेतृत्व गर्नेछ। यो पहल बीवाईडीको भिजन ‘कुल द अर्थ बाई वान डिग्री’ दृष्टिकोणसँग मिल्ने र वातावरणीय दिगोपन र जैविक विविधता संरक्षणमा कम्पनीको अटल प्रतिबद्धता प्रदर्शन गर्ने बताइएको छ ।

विभिन्न वनस्पति र जीवजन्तुले भरिपूर्ण पारिस्थितिक प्रणालीको रुपमा रहेको चखन्डोल सामुदायिक वनले विगतमा धेरै क्षति व्यहोर्नु परेको छ । यद्यपि, अभियान मार्फत साइमेक्सले स्वदेशी रूखका प्रजातिहरूलाई पुनः परिचय दिएर र तिनीहरूको वृद्धिको लागि अनुकूल वातावरण सिर्जना गरेर वनको पुरानो गौरवलाई पुनर्जीवित गर्ने लक्ष्य राखेको छ।

यस महत्वाकांक्षी प्रयासले यस क्षेत्रको पुनरुत्थानमा मात्र योगदान पुर्‍याउने छैन तर यस क्षेत्रको पारिस्थितिक सन्तुलनमा ७–८ प्रजातिका चराहरू फिर्ता ल्याउन पनि मद्दत गर्नेछ। थप रूपमा स्वाइल प्रिपेरेसन टेक्निकद्वारा स्वदेशी सूक्ष्मजीवहरू परिचय गराउने, स्वस्थ र सम्पन्न पारिस्थितिक प्रणालीको लागि आवश्यक महत्त्वपूर्ण सूक्ष्मजीवहरूलाई पुनर्स्थापित गर्ने समावेश छ।

विश्वको सबैभन्दा प्रदूषित सहर भएको काठमाडौं लामो समयदेखि वायु प्रदूषणका हानिकारक प्रभावहरू झेल्दै आएको छ । यसको समग्र दृष्टिकोणको साथ ‘बिल्डिङ ड्रिम्स एन्ड फरेस्ट’ पहलले वातावरण र यसका बासिन्दाहरूमा महत्त्वपूर्ण प्रभाव पार्ने वाचा गरेको छ ।

वृक्षारोपणको पहिलो वर्षमा आयोजनाले ८२७ टन अक्सिजन उत्पादन गर्ने र ३१० टन कार्बन भण्डारण गर्ने प्रक्षेपण गरिएको छ । पाँच वर्षको अवधिमा बीवाईडी वनले १५५० टन कार्बन पृथक गर्दै एक प्रभावशाली ४१३३ टन अक्सिजन उत्पादन गर्ने लक्ष्य राखेको छ।

‘हाम्रो बिल्डिङ ड्रिम्स एन्ड फरेस्ट अभियान बीवाईडीको मूल मूल्यमान्यता र दिगो भविष्य सिर्जना गर्ने प्रतिबद्धताको प्रतीक हो,’ साइमेक्स इंक प्रालिका प्रमुख मार्केटिङ अफिसर श्समीर श्रेष्ठले भने, ‘हामी रिभोलुसन प्रोजेक्टसँग सहकार्य गर्न पाउँदा र चखन्डोल सामुदायिक वनको पुनर्स्थापना गर्न प्राविधिक रुपमा सहकार्य गर्न पाएकोमा गर्व गर्छौ । यो पहलले वातावरणीय ह्रास विरुद्ध लड्न हाम्रो समर्पण मात्र देखाउँदैन तर अरूलाई पनि कदम चाल्न र जैविक विविधता संरक्षणमा योगदान गर्न प्रेरित गर्छ।’

अभियान घोषणा विश्व जैविक विविधता दिवससँग मिल्दोजुल्दो छ, जुन विश्वव्यापी रूपमा मान्यता प्राप्त कार्यक्रम हो । यसले हाम्रो ग्रह र भावी पुस्ताको भलाइका लागि जैविक विविधता संरक्षणको महत्त्वबारे चेतना जगाउने साइमेक्स इंकले बताएको छ ।