चाइनिज इलेक्ट्रिक कार ब्रान्ड बीवाईडी बन्यो युरो २०२४ को ई–मोबिलिटी पार्टनर

चाइनिज कम्पनी बीवाईडी सन् २०२४ मा हुने युईएफए युरोपियन फुटबल च्याम्पियनसिप २०२४ (युइएएफए युरो २०२४) को अफिसियल पार्टनर र अफिसियल ई–मोबिलिटी पार्टनर बनेको छ ।

युनियन अफ युरोपियन फुटबल एसोसिएसन (युइएएफए) ले आयोजना गर्ने सो च्याम्पियनसिपको ७० वर्षको इतिहासमा पहिलो पटक न्यु इनर्जी भेइकल (एनईभी) सँग पहिलो पटक यस प्रकारको प्रायोजन गर्ने भएको हो ।

बीवाईडी र युईएफए दुवैले हरित र दिगो युईएफए युरो २०२४ आयोजना गर्ने समान लक्ष्यका साथ यस प्रकारको सहकार्य गर्न लागेको बताएका छन् ।

युईएफए युरो २०२४ आगामी जुन १४ देखि जुलाई १४ सम्म जर्मनीका १० विश्व स्तरीय स्टेडियममा हुँदैछ । खेल अवधिमा विभिन्न अवसरमा आवश्यक हुने विभिन्न रेन्जका न्यु इनर्जी भेइकल बीवाईडीले उपलब्ध गराउने छ ।

त्यसैगरी छानिएका केही स्टेडियममा बीवाईडीले अत्याधुनिक इलेक्ट्रिक मोडल र प्रविधि समेत सोकेश गर्नेछ । त्यसैगरी अफिसियल फ्यान जोनमा लाइभ म्याच र अन्य फुटबल सेलिब्रेसनमा पनि बीवाईडीको उत्साहजनक उपस्थिति हुनेछ । युरोपका १९ देशमा रहेका २३०ं बीवाईडी स्टोरहरुमा पनि फुटबल फ्यान र कस्टमरका साथ विभिन्न इभेन्टको आयोजना गरिने छ ।

सन् २०२४ मा बीवाईडीले युरोपमा नयाँ तीन मोडल समेत थपेर आफ्नो रेन्ज बढाउने योजना बनाएको छ ।

बीवाईडीको सब–ब्रान्ड ‘डेन्जा’ ले समेत युरोपेली बजारमा डेब्यु गर्ने तयारी गरिरहेको छ ।