विवाइडीले ल्यायो याङवाङ व्राण्डमा इलेक्ट्रिक सुपर कार र आफैले विकास गरेको नयाँ प्रविधी

विवाइडीले प्रिमिय एसयूभी र सुपर कार उत्पादनका छुट्टै नयाँ व्राण्ड याङवाङ सार्वजनिक गरेको छ । सथै कम्पनीले यो नयाँ व्राण्ड नेममा निर्माण गरिएको अत्याधुनिक इलेक्ट्रिक सुपर कार यू९ लाई विहिवार चीनमा सार्वजनिक गरेको छ । यो सुपरकार संगै कम्पनीले अर्को हार्डकोर एयूभी यू८ लाई पनि लन्च गरेको छ ।

यी दुई नयाँ गाडीसंगै उसले आफ्नो नयाँ प्रविधी इसिफ्याङलाई समेत सार्वजनिक गरेको छ । यो नयाँ प्रविधीको विकास विशुद्ध रुपमा विवाइडी आफैले गरेको जनाइएको छ । यो नयाँ प्रविधीमा गाडीको सवै चक्कामा फरक तरिकाले पावर दिन प्रत्येक चक्काको साइडमा मोटर जडान गरिएको हुन्छ ।

जसको साहयताले गाडीलाई ३६० डिग्रीसम्म मोड्न, रियल टाइम ह्विल टर्कलाई रेगुलेट गर्न र स्टेरिङ ह्विल फेल भएमा गाडीलाई सजिलै कन्ट्रोल गर्न सकिन्छ । यो नयाँ प्रविधीलाई कम्पनीले पहिलोपटक यू८ र यू९ दुवै मोडलमा प्रयोग गरेको हो ।

कम्पनीले सार्वजनिक गरेको यू९ इलेक्ट्रिक सुपर कारका वारेमा विस्तृत रिपोर्टहरु वाहिर नआइसकेपनि यो हालसम्मकै अत्याधुनिक र पावरफूल इलेक्ट्रिक कार रहेको दावी गरिएको छ । यो कारलाई स्टार्ट गरेको २ सेकेन्डमै शून्यदेखी १०० किलोमिटरसम्मको गतिमा हाँक्न सकिन्छ । कारको मूल्य १ लाख ४५ हजार डलर पर्ने आँकलन गरिएको छ ।