बीवाईडीद्वारा एकैपटक २०० प्रतिशत पुँजी वृद्धि, २०२५ मै बढाइयो २ पटक

चाइनिज इलेक्ट्रिक सवारी साधन तथा ब्याट्री निर्माता बीवाईडी कम्पनी लिमिटेडले रजिष्टर्ड क्यापिटल ३ खर्ब ३९ लाख युआनबाट बढाएर ९ खर्ब ११ अर्ब युआन पु-याएको छ । आईटी होमको कर्पोरेट रजिस्ट्रेसन डाटा अनुसार यो पहिले भन्दा २०० प्रतिशत बढी हो ।

चीनको कर्पोरेट सिस्टम अनुसार सेयर होल्डरहरुले कम्पनीमा लगानी गर्न तत्परता देखाएको रकमलाई रजिस्टर्ड क्यापिटलले प्रतिनिधित्व गर्छ । यो जति धेरै भयो, उति नै सप्लायर, पार्टनर र फाइनान्सियल इन्स्टिच्युसनहरुको विश्वसनियता पनि बढ्छ ।

बीवाईडीले यो वर्ष अर्थात सन् २०२५ मा यसरी दोस्रो पटक पुँजी बढाएको हो । यो भन्दा पहिले गत मे महिनामा २.९०९ खर्ब युआनबाट बढाएर ३.०३९ खर्ब युआन पु¥याइएको थियो ।

सन् १९९५ वाङ चुआन्फुको नेतृत्वमा बीवाईडी कम्पनी लिमिटेड स्थापना भए पश्चात हाल यसले विभिन्न क्षेत्रमा कार्य गरिरहेको छ । इलेक्ट्रिक कार वाहेक बीवाईडीले विभिन्न प्रकारका ब्याट्री, चार्जर, इलेक्ट्रोनिक प्रोडक्ट र तिनका एसेसरिज लगायत यसले बिक्री–वितरण गरिरहेको छ ।

बीवाईडीको फाइनान्सिलय रिपोर्ट अनुसार सन् २०२५ को पहिलो अर्धवार्षिक अवधिमा कम्पनीले १५ खर्ब युआन अर्थात २ खर्ब १७ अर्ब डलर खुद नाफा गरेको छ भने सञ्चालन आय ३७१ खर्ब युआन अर्थात ५२ खर्ब डलर गरेको छ । यो अवधिमा रिसर्च एन्ड डेभलपमेन्टमा ४ खर्ब ३३ अर्ब डलर खर्च गरेको छ भने अन्तर्राष्ट्रिय बजारबाट १९ खर्ब डलर आम्दानी गरेको छ ।

जनवरी देखि अगस्ट सम्मको अवधिमा बीवाईडीले २८ लाख ६४ हजार सवारी साधन बिक्री गरेको छ, जुन गत वर्षको यही अवधिको तुलनामा २३ प्रतिशत बढी हो । कम्पनीले सन् २०२५ मा ५५ लाख सवारी साधन बिक्री गर्ने लक्ष्य राखेको छ । सो लक्ष्य पुरा गर्न कम्पनीले आगामी सेप्टेम्बर देखि डिसेम्बर सम्मको अवधिमा प्रतिमहिना ६ लाख ६० हजार सवारी साधन बिक्री गर्नु पर्नेछ ।

यद्यपि बीवाईडीले आफ्नो पुँजी वृद्धि वारेमा औपचारिक जानकारी भने सार्वजनिक गरेको छैन । तर पनि यस प्रकारको वृद्धिले कम्पनीप्रति अन्य व्यक्ति र संस्थाहरुले राख्ने दृष्टिकोणमा भने धेरै नै फरक पर्छ । यसको सकारात्मक प्रभाव राष्ट्रिय अन्तर्राष्ट्रिय रुपमा पर्ने आँकलन गर्न सकिन्छ ।